Adriatische Verlockungen

Mei

Freundin is derzeit an der Adria“, sagte der Junggeselle Otto P. zum Bezirksrichter. „ Dadurch, dass verheirat is, is natürlich mit ihrn Mann untn. Aber wia mi neilich de Sehnsucht packt hat, bin i mitn Zug nachgfahrn. Sie hat mi mitn Auto am Bahnhof ohgholt, und mir san a bissl spaziern gfahrn, wobei ma wegn der Intimität verschwiegene Bergstraßerln benützt habn.

Na, mir fahrn so, sag i zu ihr: , Herst, für des, dass ma nur zwa Leit herinn san, ziagt des Auto sehr schlecht. Wo isn dei Mann?‘

Sagt sie: , Er hat zu mir gsagt, dass er se a bissl niederlegt. In der Beziehung halt er sei Wurt.‘

Sag i: , I hab a sehr ungutes Gefühl. Vielleicht hat er se da im Auto in Kofferraum niederglegt. Da halt er aa sei Wurt, aber wamma wo stehbleibn, springt er auße.‘

, Glaubst?‘, hats gsagt und is unsicher wurdn. , Was mach ma denn da? Am bestn is, du schaust eine.‘ – , Na, i schau bestimmt net eine‘, hab i gsagt. , Weil wann er außespringt, schau i ein. Da kannst mi glei da an der Adria beerdigen. Und am Allerseelentag, wannst mi besuchst, drei Tag Nachsaison buchen.‘

Sagt sie: , Dann muass wer anderer eineschaun. Da vurn steht aner, a Österreicher, der hat sicher kan Diesel.‘

Na, i schau, steht aner durt, mit sein Auto, und winkt. Kaner is stehbliebn. Mir scho. , Habn S leicht kanTreibstoff?‘, hab i gfragt.

, Naa‘, hat er gsagt. , I brauchert an Diesel.‘

Sag i zu eahm: , Im Kofferraum hamma noch fünf Liter. Da habn S in Schlüssel. Neh- man S Ihnas auße, de schenk i Ihna.‘

Wird er misstrauisch und sagt: , Se schenken ma an Diesel? Seit wann schenkt aner in Italien an Diesel her? San Se der Giselher, der was in der Nibelungensage seine Schätze verschenkt hat?‘

I hab gsagt, wann ern net wüll, braucht ern net nehma. Drauf hat er in Schlüssel gnumma und hat in Kofferraum aufgsperrt. Mir habn eahm aus zwanzg Meter Entfernung zuagschaut, er war misstrauisch und is vursichtig mit aner Hand in Kofferraum einegfahrn. Glei drauf hat er zum Strampeln angfangt und war nimmer zum Sehn. Der Mann von meiner Freundin hat eahm in Gepäcksraum einezahrt und hat eahm auf Gepäckgröße zsammghaut. I hab ja net genau gwusst, ob er drinn is, mir kann diesbezüglich kein Vorwurf erwachsen, Herr Rat.“

Der Misshandelte („ Für an Gratis- Diesel tua i alles“) zog seine Klage zurück.