Heiliger Nikolaus

Ich geh heuer wieder als Heiliger Nikolo verkleidet durch an Hort in Wien. I werd jedes Jahr engagiert. I mach des angeblich so guat. Könnte daran liegn, dass i wirklich Nikolaus haß. Gut, i bin ka Bischof, wia der Heilige Nikolaus es war – er war ja bekanntlich Bischof von Myra. Aber Se wissn des sicher, Herr Rat, Se san ja a gscheiter Mensch“, erklärte Nikolaus K. vor Gericht.

„De Gschicht war a so: I bin unlängst zur Anprobe bei an guatn Freund gwesn. Er hat a große Wohnung und hat immer de Nikolo-Sachn guat verstaut. I hab a 55QuadratmeterWohnung. hab für sowas kan Stauraum. Na, i steh bei eahm im Wohnzimmer und ziag ma des Gwandl drüber samt Bischofsstab und Bischofsmütze und dem weißen Bart, läuts draußen.

Der Herbert, mei Freund, war kurz beim Fleischhauer, uns beiden a Leberkassemmel kaufn. Wir waren beide hungrig nach der Arbeit. Er is a Junggeselle, mitn Kochn hat ers net so. Deshalb is er zum Supermarkt.

I hab no überlegt, soll i aufmachn oder net. Und wia i so überleg, läuts no amal. I hab ma dacht, vielleicht hat der Herbert sein Schlüssel vergessn, geh zur Gegensprechanlage, rührt se niemand. Läuts wieder. Kumm i drauf, es is de Türglockn, also, dass jemand scho vor der Wohnungstür steh muass.

I nimm die Klinke in die Hand und öffne die Tür. Steht draußn a Vater mit an vier Jahre altn Madl und schaut mi ganz verdutzt an. I war aa a bisserl perplex. Schließlich war erst Ende November und no net der Nikolaustag. Und de Klane hätt mi eigentlich no net sehn solln. Des hat ma sehr lad tan. No dazua war mei Sackerl no net mit Süßigkeitn gefüllt. I hab versucht zu improvisiern. Hol mein Sack und geb im Vorbeigehn schnell a gehäkeltes Tischdeckerl rein.

Anstatt dass ma der junge Vater dankbar is, hat er sich über mich beschwert. I hätt mi bis zum 6. Dezember nicht zeigen dürfen. Und dass das verantwortungslos sei, dass i de Tür geöffnet hab. Wegn jeder Kleinigkeit wird ma heutzutag scho klagt, Herr Rat.“

Die Klage wurde abgewiesen. Herr Nikolaus K. hätte als verkleideter Nikolaus durchaus versucht, den Glauben an den Hl. Nikolaus aufrecht zu erhalten.