Eine halbe Portion
lso, heut bin i wieder gar net zufrieden“, sagte Herr K. zum Kellner seines Stammrestaurants. „ Zuerst de eiskalte, fettlose Suppn, und jetzt dieses Schnitzl! Des is doch net größer wia a Fleischlaberl!“
„ Wolln S um zehn Euro a Trumm Fleisch, so groß wia a Wagnradl?“, fragte der Kellner. „ Des Schnitzl hängt doch eh übern Tellerrand.“
„ A Kunst?“, rief der Gast sehr aufgebracht. „ Des Schnitzl liegt ja auf an Mehlspeistellerl. Da muass ja übern Rand hänga! A so a Augnauswischerei. Weils erst de Preise erhöht habn und se mit weitere Erhöhungen jetzt a bissl Zeit nehmen müssn, machns klanare Schnitzln! A Gemeinheit so was. Nehman S des Miniaturschnitzl nur ja wieder mit. I verlang a normale Portion. Aber schnell, i bin am Verhungern.“
„ Essn Sie einmal in Ruhe diese Portion“, sagte der Kell- ner beschwichtigend. „ I bring Ihna dann in Gottsnam, damit a Ruah is, noch ein Stückerl Schnitzerl. Umsonst. Als Gabe des Hauses. Adventgabe sozusagen. Lassen Sie es sich schmecken, der Herr!“
Zum Bezirksrichter sagte Herr K.: „ I hab mi leider verleitn lassn und hab des klane Schnitzl gessn. Dadurch hab i mi selber um mein Beweismaterial bracht. Und i hab leider davor ka Foto mit mein Smartphone gmacht. Heutzutag hat ma ja schnell Beweisfotos. Des is des guate an der modernen Technik.
Aber um auf de Portion Schnitzl wieder zurückzu- kommen: I hab nämlich nichts mehr nachkriagt. A Viertelstund hab i gwart. Im- mer wieder hab i dem Kellner zugerufen: , Sie, was is mit mein Stückerl Schnitzerl?‘ Er hat gar ka Antwort mehr gebn. Er hat mi einfach ignoriert.
Dann is der Chef kumma und hat gsagt: , Tun S net meine Leut sekkiern. Sie habn sicher a besonders schöne Portion ghabt. Sunst hättn S es doch gar net gessn, sondern zruckgschickt. Wie ich Sie kenne, lieber Herr!‘
Vor lauter Wut hab i des klane Essigflaschl um d Erd ghaut. Der Wirt hat an klan Glassplitter ins Aug kriagt. Sehn S, wegn so was klagt er. Aber den eigenen Balken im Auge, den siecht er net!“
Die Verhandlung wurde zwecks Beibringung eines augenärztlichen Gutachtens vertagt.