Krachzwutschkerln
Vor einem Geschäft, das Feuerwerkskörper verkauft, war es kürzlich zu einer Debatte zwischen einem Pensionisten und einem Vater mit einem kleinen Sohn gekommen.
„Was habn S denn für den Buam jetzt kauft?“, fragte Herr W. misstrauisch, als er den Vater mit dem Kind aus dem Geschäft kommen sah. „A Raketn? Oder so a Bumswürschtl, was ma unter de Auto haut? Habts nix Bessers z tuan zu Silvester, wia mit de Krawäupemmerln an Lärm z machn? Genieren S Ihna! A ausgwachsenes Mannsbüld wie Se und lernt den Gschroppn, wia ma de Leit schreckt!“
„Aber so arg is net“, meinte der Vater. „Machn S Ihna kane Surgn, i hab mein Sohn, dem Jakob, nur a paar Knallerbserln kauft. Des is so guat wia nix, des macht a Pfluscherl, wann ers um de Erd haut. Eigentlich a Kinderspülerei!
Wirklich net der Rede wert.“
„Kinderspülerei is des gar kane!“, belehrte Herr W. den jungen Vater. „Weil mit de Krachzwutschkerln fangts an und mit an Donaritpackl hörts auf! Sprengstoff is Sprengstoff, und der soll für ein zartes Wesen tabu sein! Heut zerdrückt er no a klans Pulverkügerl, und murgn jaugt er an Hochspannungsmast in d Luft! Vergessen Sie nie die Nachwuchsfolgen, liaber Herr, weil de Tragödien beginnen immer mit Kleinigkeiten! I hab so viel mitgmacht in mein Leben, kumm Büaberl, gib ma des gfährliche Glumpert! I gib dir dafür a Sackerl Krachmandeln, des was i zufällig in der Taschn hab! De san süaß und krachn aa, aber nur zwischen de Zähnd! So, da hast glei a Zuckerl! Siegst, Bua, des is guat! Besser a paar luckerte Zähnd wegn zu vül Süßigkeiten wia zwanzg Jahr später a paar luckerte Häuserreihen, weilst uns a Neutronenbombn aufn Schädl ghaut hast!“
„Mei Pepperl hat glei drei Stück aus dem Sackerl verzehrt“, berichtete der Vater dem Bezirksrichter. „Aber leider siecht der Herr Pensionist scho schlecht. Er hat eahm aus dem falschn Sackerl drei Knallerbserln in Mund gesteckt. I hab zu an Doktor geh müassn, weil i a Angst ghabt hab, dass mei Bua vielleicht explodiert.“
Herr W. braucht die Untersuchungskosten nicht zu bezahlen.