A Wie eine Zitrone auspressen
lsdann, de Gschicht war a so“, berichtete Herr F. dem Bezirksrichter. „I sitz neilich bei Tisch oder, besser gesagt, beim Tisch, weil i mitn Essn scho fertig war, auf amal klopfts. I mach auf, steht aner draußt mit aner Zitron in der Hand und sagt: ,Der EnergieEngel ist da! Ab heut zahln S ka Liachtrechnung mehr! Ab heut is ihr E-Werk diese kleine Frucht! Ein wahrer Segn bei den jetzigen Heizkosten!‘
Sag i: ,I hab davon glesn, aber angeblich braucht ma für a Häferl Kaffee warma an Lastwagen Zitronen. Des is für mi uninteressant, i kann do net jedn Tag zur Jausn an Lastwagen Zitronen bringa lassn.‘
Sagt er zu mir: ,De Zitronen, was i hab, san a jede a klans EWerk. De werdn scho während des Wachstums, wanns no klan wia de Ohgrasln san mit Atomen bestrahlt und habn dementsprechend a unhamliche Kraft. Mit meine Zitronen können S an Fernsehapparat
betreiben. I führ Ihna des vur.‘
Drauf hab i eahm einelassn, der Mann hat den Stecker von mein Apparat aus der Dosn zogn und hat eahm in de Zitron einegsteckt. Dann hat er mei Steckdosen an der Wand sogar mit der Hand zuaghaltn und hat in Apparat aufdraht. De TV-Sprecherin hat zwar a bisserl säuerlich gschaut, und mir is vurkumma, wia wann des Büld an Gelbstich wia a Zitronenfalter hätt, aber de Sache hat funktioniert.
I war natürlich von de Sockn und hab als a Bloßfüaßicher den Mann gfragt, wia des geht. Drauf hat er gsagt, des is de Kraft der Zitronenkerne, aber Näheres kann er ma über diese Kernkraft
net mitteilen, dazua bin i zu wenig gebildet. Wann i wüll, verkauft er ma zwa Zitronen um 50 Euro des Stück, mit de kumm i aus bis zu mein Lebensende, und nachher können se no meine Erbn an Tee mit Zitron damit machn. Drauf hab i eahm zwa ohkauft, der Mann hat gsagt, i soll de Zitrone no a bissl in der Hand aufwarma und is furt. Wia i dann mein Fernseher dran angsteckt hab, is er kalt bliebn wia a Obststeign. Wann i nur wüsst, wia er mei Schlapfnoper zum Spüln bracht hat!“
Der Betrüger, der mit einem simplen Trick (Stecker hinter der vorgehaltenen Hand, Kabel durch den Ärmel zur Zitrone) gearbeitet hatte, wird noch einigen Geschädigten gegenübergestellt.