Scharlatan & Wunderheiler
ImBezirksgericht lief eine Verhandlung gegen einen pensionierten Beamten an, der eine „Heilpraxis“hatte und dort in seiner Wohnung seine „Patienten“unter seltsamen Umständen behandelte.
„I glaub net, dass der Herr Beschuldigte a Kurpfuscher is“, erklärte der Buchhalter Josef G. als Zeuge. „Mir hat er gholfn. I lass über eahm nix kumma. Natürlich mach i jetzt überall a Reklam für eahm, und er hat an Zustrom wia a echter Psychiater.
I bin zu eahm kumma und hab gsagt: ,Herr N., i waß net, was des is. Allerwäu, wann i was trunkn hab, siech i weiße Mäus und hör verschiedene Stimmen. Manchmal druckt mi a de Trud, dass i glaub, i lieg in aner eisernen Lungan. Können S ma net helfen?‘
Und der Herr N. hat drauf gsagt: ,Weiße Mäuse sehn S? In dem Fall müassen S Ihna eibüldn, Sie sehn a Katz. Werdn S schaun, wia schnell da de Mäus weg san. Eigentlich eh ganz logisch. Aber so einfach denkn d Leit oft net. De meistn denkn vü zu kompliziert. Und gegen de Stimmen nehman S Ihna Wattebäuscherln in de Uhrn. Meine Tipps bewirken Wunder. Se werdn scho sehn. Vertrauen S auf meine Ratschläge, und alles wird gut.
Und zu guter Letzt: Mit der Trud is des a schwierige Gschicht. Des is immer a besondere Herausforderung für mi, wenn d Leit deswegn zu mir kumman. Aber Se werdn scho sehn, wir findn was, das hülft. Am bestn is vorerst, Se legn Ihna aufn Bauch beim Schlafn. Da kann se de Trud net auf de Brust setzn. Verstengan S eh, was i man?‘
I hab des gmacht, was der Herr N. gsagt hat und seitdem fühl i mi vül leichter, muass i zugeben.“
Ein anderer Zeuge sagte: „I bin zum Herrn N. in Behandlung ganga, wäu i schlecht ghört hab. Mei Frau hat immer alles zwamal sagn müssn, bis i s endlich verstandn hab. Der Angeklagte hat ma afoch a Stückl Schichtsaf verschriebn und hat gsagt, i soll ma täglich ordentlich damit de Uhrn waschn. Seitdem hör i wieder wia a Luchs, und mei Frau is erst erleichtert.“
Die Verhandlung gegen den der Kurpfuscherei beschuldigten Karl N. wurde zur Einvernahme weiterer Zeugen vertagt.