Schwarzseher
Mei Gschäft is net leicht“, sagte ein GIS-Beamter, der die Fernsehbewilligung zu überprüfen hat, zum Bezirksrichter. „De Schwarzseher greifen zu den verschiedensten Mitteln, um unserans zu täuschen.
Mir is scho passiert, dass i in a Wohnung kumm und den Ehemann bei der Ehefrau unter der Bettdeckn find. Als reiner Tor mit dezenter Sexualerfahrung wollt i scho wieder geh, auf amal siech i, dass in des Bett eine a Stromkabel führt. I hab zerst glaubt, des is a Heizdecke, hab aber dann a zweits Kabl gsehn, des was aufn Kastn ganga is, und durt war a Antenne obn. Jetzt hab i natürlich statt mich selbst zurückzuziehen die Bettdecke zurückgezogen, hab i gsehn, er is an seine Frau gekuschelt und schaut in den klanen Fernseher. I hab natürlich trotz des verlockenden Angebotes, selbst einen Blick zu riskieren, die Anzeige erstattet, weil gegen Schwarzseher, da hamma was.
Im zweiten Fall is de Sache leider net so guat ausgangen. Da bin i in a Wohnung kumma, meistens machn ma ja, wie auch im ersteren Falle, die Kinder auf, und hab ausn Kabinett a Lachn und a Kudern ghört.
Den Moment is er scho aussekumma, in Schlapfn, und hat mi gfragt, was i wüll. I frag eahm, ob er an Fernseher hat, sagt er naa. Sag i, über was lachts, denn da drinnan, mant er, des is a Kasperltheater.
Drauf schau i eine, siech i vier Gschroppn und sei Frau vur an Kasperltheater sitzn. Na, i wollt scho wieder geh, bemerk i a Flimmern. I schau genauer, siech i, de schaun se in dem Kasperltheater mit an Fernseher a Kasperltheater ausn Kinderprogramm an. Jetzt hab i natürlich des Anmeldeformular, des was i immer dabei hab, aus meiner Aktentasche gezückt und grad, wia is auf den Couchtisch legn will, taucht in der leeren Öffnung a Kasperl auf und haut ma mit an Hammer ane übern Schädl.
Jetzt sagt er, er wollt dem Kindlein zuliebe händisch weidaspüln und hat glaubt, i bin a Krokodül. Außerdem, sagt er, wars nur a Papiermascheeprügl. I hab natürlich de Klage eingebracht gegen den Schwarzseher, der Hammer wars.“
Zur Einvernahme der Ehefrau wurde die Verhandlung vertagt.