Haupttreffer

Ineinem Kaffeehaus trat der Buchhalter Stefan R. an den Tisch des Pensionisten Werner H. und sagte leise: „Gratuliere Ihna, Herr H., zu Ihnern Gewinn in der Klassenlotterie! Wanns auch net viel war, a klaner Riss is doch. Gratuliere herzlichst!“

„Was plaudern S da?“, fragte der Pensionist unfreundlich, weil er an jenem Nachmittag nicht besonders gut gelaunt war. „Wer sagt Ihna denn, dass i was gwunna hab? Schen wars, liaber Herr, aber spüln tans es net. Des Leben is leider ungerecht. I könnt des Geld guat brauchn, aber – no amal – i hab kan Gewinn gmacht.“

„Versteh, versteh“, fuhr der Buchhalter flüsternd fort. „Se wollns geheim haltn, weil sunst a Schippl Schnorrer dahergrennt kummatn. Des ist der Nachteil an so an Gewinn. De Leit san an alles neidig und natürlich wollns aa glei was davon abkriagn.

Aber i pump Ihna net an, ka Surg. Und i versprich hoch und heilig, i sags aa net weiter. Aber ohstreitn können S es mir gegenüber net, Herr H.!

In der Zeitung is gstandn, a Achtl vom Haupttreffer is auf an armen Pensionisten gfalln. Da hab i glei auf Ihna denkt, und i hab Ihna a paar Tag lang beobachtet. Seit der Ziehung trinkn S statt an klan Schwarzn a große Schaln Mülchkaffee und essn a Brioschkipferl dazu. Und da wolln S ohstreitn, dass was gwunna habn? Ihre Taten haben Sie verraten. Aa wenn S es no so guat kaschiern.“

„Jetzt fahrn S aber gschwind oh“, brauste Herr H. auf. „Wolln S ma vielleicht gar scho in Schlund schaun? Glaubn Se, i muass an Haupttreffer machn, wann i ma a Kipferl kaufn wüll? Gengan S ma aus de Augn, Se Aasgeier. Se habn mi nur angredt, weil S glaubt habn, i gib Ihna a Darlehen von mein Haupttreffer!“

„Der Aasgeier war ma zvül“, sagte der Buchhalter zum Bezirksrichter. „I hab sofort in Ober gruafn, damit er des Schimpfwort auf sein Kassablock notiert. Gebn S den Menschn a saftiche Geldstraf, Herr Richter! Mit sein Haupttreffer kann er de Straf leicht zahln!“

Herr H. wurde freigesprochen, weil er sich in großer Erregung befand, als ihm der „Aasgeier“entschlüpfte. Gewonnen hat Herr H. übrigens wirklich nichts.