Zwische nH immel u ndE rde
Unser Fensterputzer is jedn Tag bsoffn“sagte der Büroangestellte eines Großbetriebes. „Dass der no lebt, is a reines Wunder. Immerhin samma a zwölfstöckiges Gebäude, und wann i eahm so siech, wia er in sein Rausch an der Fassad hängt, in der an Hand an Fetzn, in der andern a Flaschl Bier, dann kriag i de Ganslhaut, dass ma de Brusthaar durchs Hemmat durchkumman.
A so a Mensch is natürlich als Zeuge überhaupt net zu verwendn. Wann der behauptet, er hat durchs Fenster gsehn, dass i im achtn Stock meine heimliche Affäre liebkost hab, so is des a reine Halluzination.
Erstens hab i ka Stelldichein im Büro. Des is ma z heikel, wann der Chef reinkummt. Und scho gar net, wann de Fenster putzt werdn. Drittens hat er an dem Tag überhaupt kane Fenster putzt, folglich kann er mi net liebkosen gsehn habn. De Liebkosung is a delirische Einbüldung. Außerdem hat der Mann an Zurn auf mi, weil i eahm scho zwamal wegn seiner Sauferei beim Herrn Generaldirektor gmeldt hab.“
„Dermal hab i mi revanchiert“, erklärte der Fensterputzer. „Mi meldn Se nimmer, weil de Schmuserei kost Ihna in Postn! Der Dame ihr Mann is a Spezl von mir, dem zuliebe hab i de Beobachtung unternommen. Sie habns von hint umschlungen!
Wann Se glaubn, dass i mit an Flaschl Bier im Bauch kan Überblick mehr hab, dann irrn S Ihna. Weil i bin schwindelfrei! I sauf mi an und streich Ihna auf der Stephanskirchn des Gipfelkreuz mit der Goldfarb an, ohne Sicherung. I balancier als Übernachtiger aufm Riesenradl! I bin so schwindelfrei, dass i mi sogar in an Brunnen obelass, so tiaf kann der gar net sei. Der Herr Richter kann mit testn! I steig sofort da, von dem Verhandlungssaal, aufs Gsims ausse, hantl mit vire und kumm beim hintern Fenster, wo de Zuschauer sitzn, wieder eine. Obwohl i heut in der Fruah immerhin scho a Achtl Magnschnaps, fuffzgprozentig, trunkn hab! Bodenpersonal! I bin schwindelfrei, so hoch und so tiaf kann für mi gar nix sei.“
Der Büroangestellte hatte dem Fensterputzer vom Halbparterre einen heftigen Stoß versetzt. Eine Gehirnerschütterung war die Folge. 1000 Euro Schmerzensgeld. „Es hat se angefühlt wia a Salto mortale ohne Netz.“