„Ich habe die Nase voll!“

Kommen Sie näher!“, fordert der Bezirksrichter den Zeugen Peter L. auf. „Lassen Sie Ihre Nase ansehen! Also, ich sehe keine Verletzungsspuren!“

„Herr Rat, des is ja net mei echte Nasn“, sagte der Zeuge und zog sich eine künstliche Nase vom Gesicht. „Des is ja nur aus Pappmache. Mei echte hab i no mitn Heftpflaster verpickt, und damit man de Verunstaltung net so siecht, trag i vurläufig a solide Faschingsnasn, weil am 11. 11. sowieso der Fasching angfanga hat. Und schuld an mein Aussehen is de Frau Beschuldigte.

I überquer damals die Häulichnstädterstraßn, auf amal pledert a Auto daher, dass i glaubt hab, der Teifl selber sitzt drinn. Grad, dass i no mit Ach und Krach aufs Trottoir kumma bin. Grad wia i ma de Nummer aufschreibn wüll, siech i, dass des Auto zu aner Tankstell zuafahrt. A Frau is drinn gsessn, na des hat ma no gfehlt. Es tuat ma lad, wenn i vur Gericht so ehrlich daherredt. Aber i mach mitn weiblichen Geschlecht nur schlechte Erfahrungen.

Jedenfalls bin i glei hin, damit i der Frau anständig de Meinung sag. Sie hat des Fenster an Spalt offn ghabt, hat zwider dreingschaut und war net amal gewillt, mir zuzuhören. I hab mi mitn Gsicht zuweglahnt, damit sie mir Gehör schenkt. Hab meine Nasn einegsteckt, eigentlich a aus dem Grund, weils drinnen nach Haschisch grochn hat. Und grad wia i zu ihr sag ,Wo habn denn Se den Führerschein gmacht?! Habn S eahm in der Lotterie gwunna?‘, lasst de Dame gschwind des Fenster auffe. So schnell hab i gar net schaun können, Herr Rat.

I hab an entsetzlichen, beißenden Schmerz in der Nasn gspürt, und später hab i im Spital gsehn, dass ma de Frau mitn Fenster des Nasnspitzl wia an Entenschnabl bratdruckt hat. I verlang a Schmerzensgeld, weil i mi bis heut net richtig schneuzn kann und durch de vielleicht bleibende Rötung alle Leut glauben werdn, i bin a Trinker. I hab de Nase voll.““

Die Beschuldigte leugnete jede böse Absicht und beantragte die Einvernahme des Tankwarts. Dem Antrag wurde stattgegeben.

Die Beschuldigte: „Und damit Sie es wissn, des war ka Haschisch. I bin a Kräuterhexe, es is alles legal.“