„Sie haben einen Vogel!“
Sie sollen den Herrn Tierpräparator mit Fäusten geschlagen, gekratzt und an den Haaren gerissen haben!“, sagte der Bezirksrichter zu der 54-jährigen Anna F.
„Ja, stimmt“, schluchzte die Beschuldigte. „Aber es war halt zu schrecklich, was ma in dem Gschäft passiert is, Herr Rat!
Mir is damals mei Hansi, mei Goldfisch, gsturbn und weil i an dem Viecherl sehr ghängt bin, wollt i mirn ausstopfn lassn.
,Ja, ja‘, hat der Herr gsagt, wia i in sei Gschäft kumma bin. ,Des mach i scho! So klan kann a Viecherl gar net sei, dass is net präpariern könnt. I hab sogar scho amal an Maikäfer ausgstopft. Lassn S mir des Fischerl nur da!‘
I hab daraufhin dem Herrn mein Hansi, den i in an Safndoserl mitbracht hab, übergebn. Und hab a Kreuz gmacht, weil i ma net sicher war, ob des guatgeht. Er hat eahm gnumma und hat eahm dann auf a Tischerl glegt.
Zwa Sekunden später, i wollt mi grad verabschiedn, springt auf amal a schwarze Katz auf des Tischerl, schnappt mein Hansi und rennt mit eahm davon. Die Katze hat se unter aner Stellage verkrochn und hat mein Hansi durt gfressn.
Nachdem se des alls vur meine Augn ohgspielt hat, hab i halt de Nervn verlurn und bin dem Herrn Präparator mit de Händ ins Gsicht gfahrn. Er war ja schließlich schuld an dem Unglück. In so an Gschäft derf ma ebn ka Katz haltn. Des is unverantwortlich. I bin mit meine Nervn eh scho am Ende. Des hat ma den Rest gebn.“
„Mir tuat der Zwischenfall natürlich sehr leid“, sagte der Kläger. „Aber de Frau hat mi so hergricht, dass i selber an Präparator braucht hätt. Drei Büschl Haar hats ma ausgrissn, da bitte, i habs mitbracht! Und i bin eh scho seit längerem in Behandlung wegen Haarausfall. Bin deshalb u. a. in psychologischer Behandlung, weil i so drunter leide, dass i schütteres Haar hab.
Leider hab i eh von Haus aus net des beste Selbstwertgefühl. Demnach fühl i mi in der Hinsicht eh scho sehr unwohl und dann des!“
Frau F. wurde unter Zubilligung aller mildernder Umstände zu einer Geldstrafe verurteilt. Der Präparator wird von ihr auf „Schadenersatz“geklagt werden.