На пачатку было Слова
Дні беларускага пісьменства
сустракаючы чарговую «чырвоную» дату, мы не заўсёды задаёмся пытаннем, чаму ўлады той ці іншай дзяржавы ледзь не першай сваёй справай лічаць зацвярджэнне памятных дат і святаў. канешне, класічныя «пошта, тэлефон, тэлеграф» застаюцца ў сіле, але накал барацьбы вакол духоўных сімвалаў дзяржавы ўзнікае не менш, а то і больш жорсткі, чым вакол аб’ектаў камунікацыі і жыццезабеспячэння. Гэта заканамерна, таму што ўсе палітыкі і дзяржаўныя дзеячы дакладна ведаюць: менавіта ментальны стан нацыі забяспечвае жыццяздольнасць дзяржавы, не кажучы ўжо пра тое, што ён адначасова характарызуе самі ўлады.
Згэтага пункту гледжання неабходна прызнаць, што духоўная кампанента стварае істотны складальнік іміджу сучаснай беларускай дзяржаўнасці. і зацвярджэнне 26 сакавіка 1998 года Прэзідэнтам Рэспублікі Беларусь А.Р. Лукашэнкам Указа № 157 «Аб дзяржаўных святах і памятных знаках Рэспублікі Беларусь», у тым ліку Дня беларускага пісьменства, яскрава сведчыць аб гэтым. З таго часу свята, прысвечанае роднаму Слову, увайшло ў шэраг найбольш пазнавальных і шанаваных у нашай краіне.
Практычна адразу Дзень пісьменства атрымаў свае адметныя рысы, якія ўстойліва характарызуюць яго правядзенне. Адна з такіх асаблівасцей – ён амаль кожны год адбываецца у новым населеным пункце. Месцамі правядзення гэтага свята, як правіла, выбіраюцца гарады, што пакінулі