Cлава і трагедыя Бацькі Міная

У гісторыі партызанскага руху на Беларусі ў гады Вялікай айчыннай вайны – шмат легендарных асоб, якія змаглі аб’яднаць вакол сябе аднадумцаў, каб разам граміць ненавіснага ворага, набліжаючы радасны дзень Вялікай перамогі. У гэтай слаўнай кагорце – і камандзір аднаго з першых партызанскіх атрадаў, створаных на тэрыторыі Віцебшчыны, герой Савецкага Саюза мінай піліпавіч Шмыроў, больш вядомы як легендарны Бацька мінай. жыццё не песціла гэтага чалавека, штораз пасылаючы яму выпрабаванні, большасць якіх ён паспяхова пераадольваў. Большасць, але не ўсе. адзінай незарубцаванай ранай у ягонай душы да канца дзён была асабістая трагедыя, звязаная з гвалтоўнай смерцю ад куль фашысцкіх катаў яго чацвярых дзяцейзаложнікаў… як жыў з гэтай бядой Бацька мінай? як ён граміў ворага? знайсці адказы на гэтыя і іншыя пытанні мы паспрабавалі, пабываўшы ў Віцебскім абласным музеі героя Савецкага Саюза м.п. Шмырова, сустрэўшыся з яго дачкой ад другога шлюбу дзінай мінаеўнай.

ў маёнтку мясцовага пана Радзянкі. Але ж, нягледзячы на цяжкасці, як толькі хлопчыку споўнілася восем гадоў, яго аддалі навучацца ў царкоўнапрыходскую школу, і ён скончыў там тры класы. Дарэчы, гэтая школа ў суседняй з Пунішчам вёсцы Казакова была адзінай адукацыйнай установай у яго лёсе – усяму астатняму Міная Шмырова ўжо вучыла жыццё.

Дарогамі Першай сусветнай

і першым сур’ёзным урокам для яго стала вайсковая служба. У Расійскую армію юнака прызвалі ў канцы 1913 года і залічылі радавым у дывізіён цяжкай артылерыі, які дыслацыраваўся ў горадзе Дзвінску – сучасным латвійскім Даўгаўпілсе. «В 1913 году в октябре месяце ушел на военную службу в 1-й тяжелый артдивизион в г. Двинске. Учился в учебной команде 6 месяцев», – напіша Мінай Піліпавіч значна пазней у аўтабіяграфіі. Як толькі пачалася Першая сусветная вайна, полк, у якім служыў ужо унтэр-афіцэр М. Шмыроў, у экстранным парадку пераправілі ва Усходнюю Прусію. Там і атрымаў наш герой баявое хрышчэнне.

На дарогах Першай сусветнай М. Шмырову давялося знасіць не адну пару ботаў. Яго 20-ы артылерыйскі полк удзельнічаў у многіх ваенных перыпетыях: у іх малады