КНіЖНЫ АГЛЯД
/ і.і. Калачова. – мінск: РіВШ, 2018. – 121 с.: іл. – ISBN 978-985-586-131-8.
Этнапедагагічная спадчына як частка культуры любога этнасу захоўвае шматвекавы вопыт народнага выхавання, вопыт, які ў перапрацаваным і адаптаваным да сучаснасці выглядзе можа быць найважнейшай крыніцай сацыяльнапедагагічнай практыкі. У Беларусі пражываюць прадстаўнікі многіх нацыянальнасцей. Відавочна, што іх этнапедагагічная спадчына мае не толькі нацыянальны змест, этнічную самабытнасць, але і глыбокую натуральнасць, гуманістычнасць, грунтоўнасць. Ведаць яе асаблівасці і формы распаўсюджання, рэгіёны бытавання і выкарыстання ў сучасным адукацыйна-выхаваўчым працэсе – галоўная задача ў педагагічнай падрыхтоўцы.
Вывучэннем этнакультурных працэсаў у сям’і беларусаў аўтар займаецца больш за 30 гадоў. На сабраным і апрацаваным вялікім фактычным матэрыяле ў кнізе раскрываюцца тэарэтыкаметадалагічныя асновы функцыянавання этнакультурных працэсаў сям’і, паказва- ецца практыка-арыентаваны падыход у выкарыстанні народных традыцый, іх значэнне ў захаванні пераемнай сувязі паміж пакаленнямі.
У выданні прадстаўлены выбраныя навуковыя і навукова-метадычныя артыкулы, метадычныя замалёўкі аўтара, у якіх знайшлі адлюстраванне пытанні стану і дынамікі этнакультурных працэсаў у сям’і беларусаў, характару іх функцыянавання ў традыцыйным і сучасным грамадстве (другой паловы ХХ – пачатку ХХі стагоддзя). Узнятыя ў гэтых творах праблемы маюць актуальнасць, а вынікі праведзеных даследаванняў шырока выкарыстоўваюцца ў адукацыйнай, сацыякультурнай, сацыяльна-педагагічнай дзейнасці ўстаноў краіны.
Навуковае выданне пашырае метадалагічныя напрамкі вывучэння сям’і і штодзённай побытавай культуры беларусаў, працягвае і ўмацоўвае традыцыі айчынных этнолагаў, гісторыкаў, педагогаў, сацыёлагаў, якія займаліся даследаваннем сацыякультурнага феномена сям’і.