Пра аЎтара

КУЛІКОВІЧ Уладзімір Іванавіч.

Нарадзіўся ў 1967 годзе ў в. Станцыя Ашмяны Ашмянскага раёна Гродзенскай вобласці. Скончыў філалагічны факультэт (1991) і аспірантуру (1994) Беларускага дзяржаўнага ўніверсітэта (БДУ). У 1991–2007 гадах – выкладчык Мінскай сярэдняй спецыялізаванай школы пры БДУ (цяпер Ліцэй БДУ), выкладчык, старшы выкладчык, дацэнт кафедры сучаснай беларускай мовы БДУ. У 2007–2009 гадах – галоўны рэдактар часопіса «Роднае слова». З 2009 года – дацэнт, загадчык кафедры рэдакцыйна-выдавецкіх тэхналогій Беларускага дзяржаўнага тэхналагічнага ўніверсітэта. Кандыдат філалагічных навук (1999), дацэнт (2004).

Аўтар больш за 500 навуковых, навукова-папулярных і навуковаметадычных прац.

Сфера навуковых інтарэсаў: тэорыя, метадалогія і тэхналогія рэдакцыйна-выдавецкага працэсу, гісторыя кніжнай справы і кнігадрукарства, вучэбнае кнігавыданне, тэорыя і практыка арфаграфіі, навукова-метадычныя аспекты арганізацыі алімпіяд па беларускай мове і літаратуры, культура маўлення журналістаў і дыктараў, акцэнталогія, лексікалогія і фразеалогія беларускай мовы, тыпалогія СМІ.