Даніна павагі да моўнай спадчыны

Дарагія сябры! Шчыра віншую ўсіх жыхароў вобласці з Днём беларускага пісьменства.

Свята гэтае набывае асаблівае гучанне ў Год культуры, калі мы звяртаемся да духоўных крыніц нашага народа. Увогуле, культура — надзейны падмурак замацавання міжнацыянальнага міру і згоды, грамадскага адзінства і патрыятызму.

Шматлікія святочныя мерапрыемствы, што пройдуць у сёлетняй сталіцы Дня беларускага пісьменства — Рагачове, стануць данінай глыбокай павагі да нашай багатай моўнай спадчыны і чарговым доказам таго, што і ў гэтае імклівае стагоддзе развіцця інфармацыйных тэхналогій кніга па-ранейшаму застаецца неад’емным атрыбутам нашага паўсядзённага жыцця.

Упэўнены, Дзень беларускага пісьменства дапаможа прыцягнуць увагу нашых жыхароў, асабліва моладзі, да з’яў і падзей нацыянальнай культуры, заахвоціць у чарговы раз звярнуцца да твораў нашых класікаў і сучасных пісьменнікаў.

Шаноўныя землякі! Сардэчна жадаю вам здароўя, шчасця, творчага натхнення і дабрабыту!