Зарплату выдаюць… каровы

КАРМА. З пачаткам выкарыстання зялёных кармоў для дойнага статка ў КСУП “Саўгас “Кармянскі” прыкметна павялічваецца і вытворчасць прадукцыі жывёлагадоўлі. Зараз за дзень ад каровы тут атрымліваюць больш як 17 кілаграмаў малака. Штодзённа яго рэалізуецца дзяржаве звыш за 16 тон, што больш, чым у адпаведныя дні летась. Як паведамляе дырэктар саўгаса Яўген Вараб’ёў, выручаных грошай хапае на выплату заработнай платы, якая ў сярэднім перавышае 500 рублёў і мае тэндэнцыю росту.