Імя тваё вядома
Жыткавіцкай сярэдняй школе № 3 прысвоена імя Героя Савецкага Саюза Івана Банава. Мемарыяльную дошку ў гонар падпольшчыка адкрылі на будынку ўстановы адукацыі ў час апошняга званка. Так уганаравалі ягоны ўклад у гісторыю вызвалення раёна. У Вялікую Айчынную вайну Іван Банаў кіраваў партызанскай дыверсійнай групай, якая базіравалася на Булевым балоце, якое знаходзіцца на тэрыторыі Мілевіцкага сельсавета. Мінулым летам на гэтым месцы рэканструявалі некалькі зямлянак. Зоя ВАЛАДАРСКАЯ