Памятае малая радзіма

ГОМЕЛЬСКІ РАЁН. У аграгарадку Пакалюбічы ўшанавалі памяць вядомага пісьменніка Івана Сяркова. У гісторыка-краязнаўчым музеі на радзіме празаіка адбылася вечарына, прысвечаная 90-годдзю з дня яго нараджэння. Да юбілею аўтара яркіх аповесцей “Мы з Санькам у тыле ворага”, “Мы з Санькам артылерысты”, “Мы — хлопцы жывучыя” прымеркавана выстава “Усім людзям на доўгія гады”. На ёй прадстаўлены кнігі пісьменніка, фотадакументы, якія адкрываюць нам Сяркова-бацьку, мужа, творцу, галоўнага рэдактара абласной студыі тэлебачання і кіраўніка пісьменніцкай арганізацыі Гомельшчыны. Экскурсію для гасцей правёў разам з дырэктарам музея Кацярынай Верабей сын Івана Сяркова — ветэран працы Андрэй Іванавіч.