Павука табе на шчасце

Сёння філіял Веткаўскага музея стараабрадніцтва і беларускіх традыцый імя Ф. Шклярава ў Гомелі запрашае ўсіх на выраб таямнічага каляднага абярэга — саламянага павука! Гэтае традыцыйнае ўпрыгожванне інтэр’ера беларусаў з’яўляецца адным з самых старажытных абярэгаў, што забяспечвае дабрабыт сям’і і ахоўвае хату ад нячыстай сілы. Кожны год перад Раством збіралася сям’я і рабіла новага павука замест старога, з якім у розных рэгіёнах Беларусі паступалі па-рознаму. Часцей за ўсё яго спальвалі ў печы альбо коміне для таго, каб знішчыць нядобрае за мінулы год.