Ленінскія ўладары
У аграгарадку Азёрны прайшоў раённы этап рэспубліканскага сельскагаспадарчага маладзёжнага праекта “Уладар сяла”. Чатыры сям’і ўласным прыкладам даказалі, што на вёсцы можна жыць цікава і камфортна. Таты, мамы і дзеці спаборнічалі ў пяці разнастайных этапах, дэманструючы згуртаванасць і разнастайныя таленты — частавалі прысмакамі, рыхтавалі дровы, удзельнічалі ў спартыўнай эстафеце. Галоўны тытул заваявалі Ярмольчыкі з аграгарадка Ленін. Міхаіл працуе выратавальнікам, Марына пакуль гадуе дзяцей. У пары — чатыры сыны і маленькая дачушка. Без заахвочванняў не засталіся і астатнія прэтэндэнты. Сем’і Курган (Тураў), Празапас (Града) і Буткевіч (Кольна) таксама атрымалі дыпломы і падарункі.
Святлана ШАКАЛЯН