Предвыборная программа кандидата в депутаты Палаты представителей Национального собрания Республики Беларусь седьмого созыва по ГомельскомуПромышленному избирательному округу № 35 Гришановича Егора Сергеевича
Перадвыбарчая праграма кандыдата ў дэпутаты
Сёння Беларусь знаходзіцца ў складаных унутраных і знешніх варунках: у краіне адсутнічае дэмакратыя і свабодныя выбары, мы знаходзімся ў вялікай палітычнай і эканамічнай залежнасці ад Расіі, дыялог з Захадам — нетрывалы і не набыў стратэгічнага значэння. Рух “За Свабоду” ва ўмовах пагрозаў суверэнітэту выступае за безумоўна незалежную Беларусь і заклікае абараняць яго ўсімі даступнымі спосабамі, права на якія нам дае Канстытуцыя.
Восем крокаў для новай Беларусі. Бачанне Руху “За Свабоду”
Парламенцка-прэзідэнцкая рэспубліка. Народ выбірае ўладу знізу даверху: Беларусі патрэбныя свабодныя, дэмакратычныя, празрыстыя выбары. Мы выступаем за прыняцце новай Канстытуцыі, якая замацуе парламенцка-прэзідэнцкую форму кіравання ў Беларусі і адновіць рэальны падзел уладаў, самастойнасць і незалежнасць заканадаўчага органа, эфектыўны парламенцкі кантроль за дзейнасцю ўрада, аўтаномнае мясцовае самакіраванне.
Справядлівы суд: справядлівасць правасуддзя праз незалежнасць судовай сістэмы. У Беларусі павінна быць створаная судовая сістэма, вольная ад палітычнага ўціску, корпус суддзяў мусіць быць кампетэнтным, карыстацца поўным даверам грамадзян, прысуды павінны быць матываванымі, абгрунтаванымі, законнымі і справядлівымі.
Новая сістэма нацыянальнай бяспекі: войска пад грамадскім кантролем і з апорай на беларускую гісторыю. Беларусь мусіць * Стиль изложения, пунктуация, орфография автора сохранены зрабіцца сапраўды нейтральнай краінай у ваенным плане, што патрабуе выхаду з вайсковага блоку АДКБ і вываду замежных вайсковых аб’ектаў з тэрыторыі краіны. Рух “За Свабоду” выступае супраць т. зв. “закона аб адтэрміноўках”: маладыя людзі маюць права без перашкодаў атрымліваць адукацыю.
ЕС — стратэгічны партнёр Беларусі. Нашай мэтай з’яўляецца ператварэнне краіны ў рэальнага суб’екта міжнародных адносін, стасункі з усімі міжнароднымі арганізацыямі і краінамі мусяць будавацца выключна на падставах мэтазгоднасці і адпаведнасці нацыянальным інтарэсам.
Пераход ад перажыткаў каманднай эканомікі да вольнага рынка. У Беларусі павінна прайсці лібералізацыя ўсіх рынкаў, створаныя інстытуты адкрытай рынкавай эканомікі, адноўленае права прыватнай уласнасці на зямлю, дзяржава мусіць устанаўліваць і потым падтрымліваць правілы гульні для суб’ектаў гаспадарання, а не канкурыраваць з імі.
Якасная медыцына з чалавечым абліччам. Фінансаванне медыцынскай галіны павінна быць палепшанае праз праз прыцягненне дадатковых сродкаў і аптымізацыі выдаткаў, сістэма аховы здароўя Беларусі мусіць перайсці да страхавой мадэлі, за аснову лячэння павінны быць узятыя еўрапейскія пратаколы і стандарты.
Новая сістэма адукацыі для еўрапейскай будучыні. Сістэма адукацыі павінна рыхтаваць навучэнцаў не да здачы іспытаў, а да жыцця, замест абавязковага размеркавання выпускнікоў павінна быць дапамога з боку ВНУ выпускнікам знайсці першае месца працы, установы адукацыі павінны зрабіцца нацыянальнымі і пры гэтым уключанымі ў Еўрапейскую прастору вышэйшай адукацыі, гэта значыць, удзельнічаць у Балонскім працэсе.
Голас за кандыдатаў, якія вылучаюцца пры падтрымцы Руху “За Свабоду” — гэта голас за незалежную, дэмакратычную і еўрапейскую Беларусь!
Больш падрабязна пра праграму руху “За Свабоду” чытайце https://pyx.by/