Дапамаглі табе – дапамажы і ты

ПЕТРЫКАЎ. Ларыса Лаўрэнцьева стала пераможцай абласнога конкурсу «Валанцёр года –

2020» у намінацыі «Валанцёрпамочнік года старшыні раённай арганізацыі Беларускага таварыства Чырвонага Крыжа».

У Беларусі толькі пачынае развівацца валанцёрства сярод пажылых людзей. Ларыса Лаўрэнцьева – прадстаўнік такога руху, амаль дзесяць гадоў яна сумяшчае статус пенсіянера і грамадскую нагрузку памочніка, перадаюць «Петрыкаўскія навіны». Абставіны прымусілі яе прыйсці ў Чырвоны Крыж, дзе яе, удаву з непаўналетнім сынам, падтрымалі. Удзячная Ларыса Фёдараўна стала сама дапамагаць Чырвонаму Крыжу. На той час працавала інспектарам у тэрытарыяльным цэнтры сацыяльнага абслугоўвання насельніцтва, дапамагала з афармленнем некаторых дакументаў, а пасля выхаду на пенсію стала памочнікам.