Пераадолеюць 7-тысячны рубеж...

Па выніках 2018 года тры сельгаспрадпрыемствы нашага раёна стануць сямітысячнікамі – у гэтых гаспадарках будзе атрымана болей за 7 000 кілаграмаў малака ад каровы. Да нашых пастаянных лідараў – ААТ “Святая Воля” і ААТ “Квасевічы” – далучыцца і філіял СВУ “Даманава” РВУП “Брэстаблгаз”. Верагодна, што “шасцітысячнікам” стане ААТ “Косава”, дзе за апошнія гады літаральна прайшла рэвалюцыя – і гаспадарка-аўтсайдар ператварылася ў лідара ў галіне жывёлагадоўлі раёна. складае 4 989 кг, павялічыўся на 177 кг. Найбольшы працэнт росту валавой вытворчасці малака маюць такія гаспадаркі, як ААТ “Косава” – 119,7 працэнта, ААТ “Новыя Стайкі” – 114,4, філіял СВУ “Даманава” РВУП "Брэстаблгаз" – 113,8, ААТ “Аброўскі” – 114, ААТ “Горталь” – 109,8 працэнта. А найлепшыя сярэднясутачныя надоі на карову атрымліваюць у ААТ “Святая Воля” – 20,91 кг ад каровы, ААТ “Квасевічы” – 19,29, філіял СВУ “Даманава” РВУП "Брэстаблгаз" – 18,50 кг. У цэлым, сярэднясутачны надой на карову па раёне складае 13,82 кг, а па выніках года чакаем 5 425 кілаграмаў на адну дойную рагулю (+191 да 2017 года).

Сортам экстра рэалізавана 52,3 працэнта ад усяго малака (+9,2), вышэйшым сортам – 27,7 (-5,5), у суме экстра і вышэйшы сорт – 80 працэнтаў (+3,7).

Што тычыцца вытворчасці (вырошчвання) жывёлы, то за перыяд са студзеня да лістапада ўключна яна склала 7 441 тону або 105,3 працэнта да 2017 года. Дастойныя сярэднясутачныя прывагі атрымліваюць у філіяле СВУ “Даманава” РВУП “Брэстаблгаз” – 793 грамы, ААТ “Квасевічы” – 704, ААТ “Святая Воля” – 702, ААТ “Косава” – 621, ААТ “Івацэвічыагратэхсервіс” – 615 грамаў. З пачатку года атрымана 19 299 галоў цялятак, што на 282 галавы менш, чым у 2017 годзе. Павел ПЯСЕЦКІ, галоўны спецыяліст упраўлення па сельскай гаспадарцы

і харчаванні райвыканкама.