У падарунак – кнігі з аўтографам
7 снежня ў актавай зале Вялікагацкай школы ладзілася творчая сустрэча з нашым землякомI пісьменнікамI публіцыстамI журналістам – Валерыем Мікалаевічам ГАПЕЕВЫМ. Сустрэча праходзіла з нагоды юбілейнага года пісьменніка (яму споўнілася 55), у якім Валерыю Гапееву быў уручаны шэраг літаратурных прэмій – Брэсцкая літаратурная Мядовая прэмія, прэмія Цёткі за лепшы твор для падлеткаў.
Усе творы Валерыя Гапеева, якія ёсць у Вялікагацкай сельскай бібліятэцы, прачытаны вучнямі і настаўнікамі школы. У кожнага свае думкі наконт прачытанага. Гэта і абмяркоўвалася на сустрэчы. Прысутным было вельмі цікава паразмаўляць з аўтарам кніг для падлеткаў. Дзеці даведаліся пра творчыя планы пісьменніка і распыталі пра герояў кніг, якія спадабаліся. Размаўлялі таксама і пра асабістае жыццё пісьменніка. Вельмі ўскалыхнула прысутных тое, з якой душэўнай цеплынёй Валерый Мікалаевіч расказваў пра сваю малую радзіму, пасёлак Восава, што на Гомельшчыне, і пра тую крынічаньку, каля якой ён са сваімі сябрамі любіў гуляць у дзяцінстве. На ўспаміны пісьменніка натхніў верш Анатоля Галушкі “Надзея на спатканне”, які быў прачытаны Алесяй Папчэняй, вучаніцай школы. Больш за ўсё дзецям спадабалася тое, што яны асабіста пазнаёміліся з пісьменнікам і атрымалі яго аўтографы. А самым актыўным чытачам пісьменнік падарыў кнігі з асабістым подпісам.
Калі потым я спыталася ў Валерыя Мікалаевіча пра яго адчуванні пасля сустрэчы, пісьменнік адказаў, што яму прыемна было бачыць жывыя і цікавыя вочы нашых дзяцей. Значыць, у правільным кірунку ідуць нашы настаўнікі і бацькі ў выхаванні дзяцей. У сваю чаргу я хачу яшчэ раз сказаць Валерыю Мікалаевічу вялікі дзякуй за сустрэчу і пажадаць далейшых творчых поспехаў.
Надзея ПУШЫЛАI біліятэкар
Вялікагацкай сельскай бібліятэкі.