…І званне кандыдата ў майстры спорту
Напрыканцы снежня 2018 года ў Баранавічах прайшоў чэмпіянат Брэсцкай вобласці сярод хлопцаў і дзяўчат па дзюдо і самба, які доўжыўся два дні.
Першымі ў барацьбу ўступілі дзюдаісткі. Трэцяе месца ў вазе да 48 кг заняла выхавальніца ДЮСШ “Новыя Стайкі”, вучаніца СШ №4 г. Івацэвічы Анастасія Сапешка. У вазе да 57 кг 2-е месца ў выхавальніцы СДЮШАР г. Івацэвічы Таццяны Багульніцкай (трэніруе дзяўчат – Ю. Наліўка).
У спаборніцтвах сярод хлопцаў у вазе да 66 кг трэцім стаў Ілля Сакута (вучыцца ў ліцэі Івацэвіцкага раёна), у вазе да 73 кг другое месца заняў Аляксей Галашэўскі з СШ №3 г. Івацэвічы. Абодва хлопцы займаюцца ў СДЮШАР г. Івацэвічы ў трэнера І. Князькова.
Наступны дзень стаў таксама запамінальным для нашых рабят і дзяўчат: у спаборніцтвах па самба другое месца заняла Анастасія Сапешка з ДЮСШ “Новыя Стайкі”, у вазе да 62 кг стаў трэцім Улад Лях (СШ №3 г. Івацэвічы), у вазе да 68 кг трэцяе месца заняў Ілля Сакута (ліцэй), у вазе да 74 кг срэбным прызёрам стаў Аляксей Галашэўскі. Дарэчы, Аляксей выканаў разрадныя патрабаванні для прысваення яму звання кандыдат у майстры спорту Беларусі па самба. Усе хлопцы займаюцца ў трэнера І. Князькова.
ХХХ
11 студзеня ў Лядовай арэне г. Івацэвічы пройдзе традыцыйнае каляднае прадстаўленне, у якім будуць браць удзел рабяты з ВСУ “ДЮСШ Івацэвіцкага раёна” – выхаванцы аддзялення фігурнага катання і трэнерска-выкладчыцкі склад. Пачатак у 18.30.
Аляксандр ГОРБАЧ.