Ці часта Вы звяртаецеся да ўчастковага ўрача?
ВАЛЯНЦіНА ПЯТРОўНА:
– Даводзіцца звяртацца, але, на жаль, участковыя тэрапеўты часта мяняюцца: то ў дэкрэце, то адпрацаваў і паехаў з Івацэвічаў… Адзначыць хочацца ўважлівага маладога доктара па прозвішчы Стэльмашук, але яго цяпер не бачу ў паліклініцы. Яму я вельмі ўдзячна, ён не хацеў мне ставіць допуск да работы і прымусіў мяне добра абследавацца, бо апошнім часам ў мяне было павышанае СОЭ. Малайчына доктар. Адно толькі хацелася б пажадаць, каб ўрачы ахвотней давалі накіраванне ў такіх выпадках на бясплатнае абследаванне, а то каштуе яно нямала ў Брэсце.
АЛЯКСАНДР:
– Даводзіцца звяртацца, калі захварэеш. Не так часта, але бывае. У кожнага ўчастковага тэрапеўта свой падыход да лячэння хворых. І апошнім часам яны так часта мяняюцца, што і не паспяваеш добра запомніць. Зараз ужо трэцяя доктарка на нашым участку. Але вось давялося неяк пабываць на прыёме ў доктара не з нашага ўчастка – Алены Аляксандраўны Сакалоўскай, то скажу, што яна доктар вельмі ўважлівы. Да такога ёсць сэнс папасці.
– Я перанёс дзве аперацыі і больш да дактароў не звяртаюся. Гадоў дзесяць прайшло з тае пары. Вырошчваю жэнь-шэнь, элеўтэракок, залаты корань – радыёлу ружовую, апошнюю лекавую расліну гатовы аддаць людзям бясплатна. Літаратуры па лекавых раслінах, пэўна, ні ў каго ў горадзе больш, чым у мяне не знойдзеш. Выпісваю шмат часопісаў адпаведных, трымаю сваю кароўку. Сам сабе доктар.
АЛЯКСАНДР іВАНАВіЧ:
– У мяне свае дактары: дачка і зяць вучыліся ў Гродзенскім медуніверсітэце. Працуюць яны ў Екацярынбургу, але зяць, бывае, прыязджае ў Мінск на навуковыя медыцынскія канферэнцыі. Сёння ніхто не хоча працаваць участковым доктарам, бо гэта вельмі складана, але без яго аніяк. Ад яго многае залежыць, але ён павінен быць вопытным і граматным. Па вялікім рахунку, кожны чалавек павінен быць у нейкай ступені доктарам, спадзявацца на сябе, калі спатрэбіцца, бо доктар можа толькі садзейнічаць твайму выздараўленню. На мой погляд, лепшы тэрапеўт – прадукты пчалярства. На аснове праполісу вучоныя распрацоўваюць антыбіётыкі, эфектыўнасць іх у чатыры разы большая. Настой праполісу трэба піць кроплямі, лічу, кожнаму, у каго праблемы са страўнікам, каб умацаваць імунітэт. Матачнае малачко спрыяе даўжэйшаму веку...
– Зусім нядаўна хадзіла да ўчастковага тэрапеўта. Пасля родаў прайшло тры месяцы і трэба абавязкова абследавацца, зрабіць УГД унутраных органаў,
ЮРЫЙ:
– Да ўчастковага ўрача звяртаюся рэдка. Пакуль малады, то, дзякаваць Богу, на здароўе не скарджуся. Бывае, што з тэмпературай прыйдзеш да ўчастковага тэрапеўта, то пройдзеш флюараграфію і атрымліваеш лісток непрацаздольнасці. Ідзеш у аптэку і лечышся. Дактары мне пападалі ўважлівыя, ніякіх заўваг не знаходжу.
– Асабіста сам звяртаюся рэдка. Здаецца, пакуль здаровы. Аднойчы, праўда, трапіў у пераплёт: лячыў зуб і пыл зубны папаў у насавыя пазухі, развіўся гаймарыт і рабілі аперацыю. А так, пры прастудах, лячуся сам. Займаюся спортам – бодзібілдар. Локаць намучыў на трэніроўцы, то разумею і без доктара, што трэба даць адпачынак арганізму.