Парадак аказання дзяржпадтрымкі становіцца больш строгім
У Беларусі становіцца больш строгім парадак аказання дзяржаўнай фінансавай падтрымкі. Гэта прадугледжана Указам №10, які Прэзідэнт Беларусі Аляксандр Лукашэнка падпісаў 10 студзеня.
Дакумент уносіць шэраг змяненняў ва Указ ад 23 сакавіка 2016 года №106 “Аб дзяржаўных праграмах і аказанні дзяржаўнай фінансавай падтрымкі”. У прыватнасці, устаноўлена, што дзяржпадтрымка можа аказвацца ў выключных выпадках па рашэнні Прэзідэнта толькі ў выглядзе прадастаўлення бюджэтнай пазыкі для рэалізацыі інвестыцыйных праектаў, якія прайшлі дзяржаўную комплексную экспертызу і маюць станоўчае заключэнне.
Указам удакладнена кола асоб, якія могуць разлічваць на дзяржпадтрымку. У спіс трапілі юрыдычныя асобы – рэзідэнты Рэспублікі Беларусь (за выключэннем бюджэтных арганізацый, банкаў, Банка развіцця Беларусі, страхавых і нябанкаўскіх крэдытна-фінансавых арганізацый, калі іншае не ўстаноўлена Кіраўніком дзяржавы) і індывідуальныя прадпрымальнікі.
Пры гэтым умовай аказання дзяржпадтрымкі з'яўляецца дасягненне прадпрыемствам асноўных паказчыкаў дзейнасці: рэнтабельнасць продажаў, прадукцыйнасць працы, зніжэнне ўзроўню затрат на вытворчасць і рэалізацыю прадукцыі. Карэкціроўка паказчыкаў у далейшым забараняецца. Калі гэтыя паказчыкі не будуць дасягнуты, пазычальнік павінен будзе датэрмінова вярнуць бюджэтныя сродкі.
Па матэрыялах БелТА.