Да 100-годдзя БССР
18 студзеня ў Брэсце адбылося ўрачыстае мерапрыемства, прысвечанае 100годдзю ўтварэння БССР. У мерапрыемстве прынялі ўдзел старшыня Брэсцкага абласнога Савета дэпутатаў Юрый Наркевіч, кіраўніцтва Брэсцкага абласнога выканаўчага камітэта, гарадскіх і раённых Саветаў дэпутатаў.
Удзел ва ўрачыстасці прыняла і дэлегацыя Івацэвіцкага раёна на чале з Аляксандрам Сарокам, старшынёй Івацэвіцкага раённага Савета дэпутатаў. Мерапрыемства ладзілася ў Брэсцкім акадэмічным тэатры драмы.
Перад прысутнымі ў гэты дзень выступілі старшыня Брэсцкага абласнога Савета дэпутатаў Юрый Наркевіч, старшыня Іванаўскай раённай арганізацыі Беларускага грамадскага аб’яднання ветэранаў, Ганаровы грамадзянін горада Іванава і Іванаўскага раёна Васілій Куніцкі і студэнт 3-га курса факультэта электроннаінфармацыйных сістэм Брэсцкага дзяржаўнага тэхнічнага ўніверсітэта Павел Ялавы.
Юрый Наркевіч расказаў пра гістарычныя этапы станаўлення беларускай дзяржаўнасці і сённяшнія дасягненні Брэстчыны, якая займае лідзіруючыя пазіцыі па многіх кірунках сярод рэгіёнаў нашай краіны. Васілій Куніцкі ад імя жыхароў Іванаўскага раёна і ветэранаў вобласці павіншаваў усіх з векавым юбілеем БССР, згадаў імёны лідараў рэспублікі, а таксама людзей, з якімі яму пашчасціла сустрэцца на жыццёвым шляху. Ён заклікаў не забываць урокаў мінулага, каб не страціць будучае. Ад імя моладзі Брэстчыны Павел Ялавы паабяцаў захоўваць добрыя традыцыі былых пакаленняў і працягваць справу сваіх папярэднікаў – стваральнай і адданай працай упісваць светлыя старонкі ў гісторыю роднай краіны.
Для гасцей урачыстасці быў падрыхтаваны цудоўны святочны канцэрт у выкананні лепшых артыстаў і творчых калектываў вобласці, а таксама тэматычная выстаўка да 100-годдзя БССР