На канцэрце да 20-годдзя МНС
Напярэдадні прафесійнага свята выратавальнікаў у Івацэвіцкім ГДК ладзіўся канцэрт, прысвечаны 20годдзю з дня заснавання Міністэрства па надзвычайных сітуацыях Рэспублікі Беларусь. У святочнай зале прысутнічалі выратавальнікі раёна, ветэраны раённай службы МНС, госці свята.
Першым з прафесійным святам і юбілеем службы МНС прысутных павіншаваў начальнік Івацэвіцкага РАНС Васілій Бацкалевіч. Ён згадаў этапы станаўлення службы МНС, падзякаваў выратавальнікам раёна за адданую і добрасумленную службу.
Ад імя раённай улады выратавальнікаў Івацэвіччыны павіншаваў Андрэй Рэгес, намеснік старшыні Івацэвіцкага райвыканкама. Ён падкрэсліў, што невыпадкова прафесійнае свята выратавальнікаў супадае з вялікім праваслаўным святам Вадохрышча, адзначыўшы, што ў кожнага выратавальніка ёсць свой ангел-захавальнік. Андрэй Пятровіч пажадаў выратавальнікам моцнага здароўя, сямейнага шчасця, паспяхова выконваць пастаўленыя задачы і ўручыў узнагароды. Так, за дасягненне высокіх паказчыкаў у службовай дзейнасці і ў сувязі з Днём выратавальніка Рэспублікі Беларусь Граматай Івацэвіцкага раённага выканаўчага камітэта ўзнагароджаны Віталій Куратнік, начальнік каравула пажарнай аварыйнавыратавальнай часці №1 Івацэвіцкага РАНС; Ганаровай граматай Івацэвіцкага раённага Савета дэпутатаў – Дзмітрый Кот, вадзіцель пажарнай аварыйнавыратавальнай часці №1 Івацэвіцкага РАНС.
Таксама за добрасумленнае выкананне службовых абавязкаў Граматай Міністэрства па надзвычайных сітуацыях узнагароджаны Мікалай Кот, вадзіцель ПАВП г. п. Целяханы і старшы пажарны ПАВЧ №1 Сяргей Міхнюк.
Ігар Куіс, начальнік аддзела па адукацыі райвыкан- кама, таксама павіншаваў выратавальнікаў з прафесійным святам і ўручыў Грамату аддзела начальніку Івацэвіцкага РАНС Васілію Бацкалевічу за шматгадовае плённае супрацоўніцтва і ў сувязі з Днём выратавальніка Рэспублікі Беларусь.
Штогод падчас канцэрта выратавальнікі здзіўляюць нечым новым. Так было і на гэты раз. З экрана да прысутных у зале звярнуліся з віншаваннямі ў адрас выратавальнікаў Ганаровыя грамадзяне Івацэвіцкага раёна Святлана Галавач і Барыс Міхнюк, а таксама вядомая спявачка, наша зямлячка, Вольга Плотнікава. Гасцям быў прапанаваны для прагляду відэафільм “Будучыя выратавальнікі”, героямі якога сталі дзеці супрацоўнікаў Івацэвіцкага РАНС. У вобразе сапраўдных выратавальнікаў яны прымалі вызавы ў дыспетчарскай, выязджалі на пажар і тушылі агонь… Даспадобы гледачам прыйшоўся і гумарыстычны ролік “Адзін дзень з жыцця МНС”, героямі якога сталі сённяшнія супрацоўнікі райаддзела.
Традыцыйна былі ўручаны ўзнагароды па намінацыях. У намінацыі “Лепшы выратавальнік” па выніках 2018 года пераможцам стаў старшы пажарны ПАВЧ №1 Андрэй Міхаленя. Узнагароду яму ўручылі Васілій Шчурко, дырэктар філіяла “Івацэвіцкі спіртзавод” ААТ “Брэсцкі лікёра-гарэлачны завод “БелАлка”, і Сяргей Сарока, галоўны інжынер ААТ “Івацэвічдрэў”.
Дырэктар філіяла “Аўтамабільны парк №14 г. Івацэвічы” ААТ Брэстаблаўтатранс Лявонцій Зайка ўручыў узнагароду пе- раможцу ў намінацыі “Лепшы вадзіцель”, ім стаў вадзіцель ПАВЧ №1 Вадзім Молаш.
Дырэктар раённых электрасетак Аляксей Папко і генеральны дырэктар ДУВП “Івацэвіцкая ЖКГ” Аляксандр Кісель павінша- валі выратавальнікаў раёна са святам і ўручылі ўзнагароду пераможцу ў намінацыі “Лепшы дыспетчар” – Ігару Пестраку, дыспетчару Цэнтра аператыўнага кіравання.
Галоўны ўрач УАЗ “Івацэвіцкая ЦРБ” Васілій Юзэфовіч уручыў узнагароду ў намінацыі “Выратаванае жыццё” – пераможцам прызнана другая дзяжурная змена ПАВЧ №1 (начальнік каравула Аляксандр Крываль).
У намінацыі “Прадухіленне надзвычайных сітуацый” перамог першы намеснік начальніка Івацэвіцкага РАНС, начальнік інспекцыі нагляду і прафілактыкі Віталій Дыдышка. Узнагароду ў гэтай намінацыі ўручыў старшыня Святаволь- скага сельвыканкама Анатолій Шчурко, які ад імя старшынь усіх сельсаветаў раёна павіншаваў выратавальнікаў з надыходзячым святам, падзякаваў ім за арганізацыю прафілактычнай работы з жыхарамі сельсаветаў.
Ад імя калектыву Івацэвіцкага РАНС каштоўныя падарункі былі ўручаны маці Мікалая Шабацькі і Галіне Абрамчук – жыхарам раёна, якія праявілі мужнасць і дапамаглі выратаваць людзей на пажары.
З творчымі нумарамі падчас канцэрта выступілі салісты і артысты народнага тэатра Івацэвіцкага ГДК, выхаванцы дзіцячага садка “Алеся”, навучэнцы профільных класаў МНС і іншыя выканаўцы. Дзяніс КАРПАЎ, Ганна ІЛЬЯШЭВІЧ (фота). На здымках: І. М. Куіс уручае Грамату В. І. Бацкалевічу; на сцэне – героі відэароліка "Будучыя выратавальнікі" разам з бацькамі.