Каб тэхніка была спраўнай
На мехдварах і ў мехмайстэрнях раёна ў гэтыя дні механізатары, вадзіцелі, слесары рыхтуюць тэхніку да веснавых палявых работ. Рамантуюцца трактары, аўтамабілі, палявыя і глебаапрацоўчыя агрэгаты.
У майстэрнях ААТ «Новыя Стайкі» для рамонту і падрыхтоўкі тэхнікі створаны ўсе неабходныя ўмовы. На тэрыторыі – чысціня і парадак. У вялікім памяшканні майстэрняў хапае месца для рамонту трактароў і сельскагаспадарчай тэхнікі. “Усе работнікі, занятыя на рамонце трактароў і сельгасмашын, з поўнай адказнасцю выконваюць пастаўленыя задачы”, – кажа загадчык майстэрні Міхаіл Ляшок.
У дзень нашага наведвання механізатары і вадзіцелі рыхтавалі і рамантавалі тэхніку. Так, Аляксей Дылюк і Сяргей Васілевіч былі занятыя рамонтам трактара МТЗ-1221 (на
Рамонт рухавіка ў аўтамабілі ЗІЛ-31 выконваў Уладзімір Самсановіч (на
а рамонтам глебаапрацоўчага агрэгата займаўся Аляксей Дэдэра (на здымку 1). Дапамогу ў рамонце тэхнікі механізатарам і вадзіцелям аказваюць слесары і токар, якія працуюць у гэтых майстэрнях.
З 12 лютага 2019 года ва ўсіх майстэрнях і мехдварах раёна пройдзе дзяржаўны тэхнічны агляд колавай тэхнікі, прычэпаў да іх, самаходных сельскагаспадарчых, меліярацыйных і дарожнабудаўнічых машын.