ІBECHIK вацэвіцкі Прыняты ўказ аб сацпадтрымцы асобных катэгорый грамадзян
Прэзідэнт Беларусі Аляксандр Лукашэнка падпісаў указ «Аб сацыяльнай падтрымцы асобных катэгорый грамадзян».
Указам прадугледжана з 1 студзеня 2021 года жанчынам, якія нарадзілі чацвярых дзяцей, залічваць у працоўны стаж для назначэння пенсіі час знаходжання ў водпуску па доглядзе дзіцяці працягласцю да 12 гадоў (цяпер – 9 гадоў). З гэтай жа даты інвалідам I і II групы, якія маюць інваліднасць больш як 10 гадоў, будуць зніжаны патрабаванні да страхавога стажу для назначэння пенсіі па ўзросце (прапарцыянальна часу знаходжання на інваліднасці).
Прадугледжана таксама, што работнікам з няпоўным страхавым стажам (звыш 10 гадоў, але меншым за патрабуемы), будуць узамен сацыяльнай пенсіі назначаць працоўную пенсію па ўзросце пры няпоўным страхавым стажы.
Яшчэ адно новаўвядзенне, якое таксама пачне дзейнічаць з новага года, – сямейным парам, у якіх узрост жанчыны не перавышае 40 гадоў, пры наяўнасці медыцынскіх паказанняў будзе бясплатна прадастаўляцца адна спроба экстракарпаральнага апладнення.
Указам прадугледжаны і іншыя меры сацпадтрымкі грамадзян.