Падпісаны закон аб амністыі

Прэзідэнт Беларусі Аляксандр Лукашэнка падпісаў прыняты парламентам закон «Аб амністыі ў сувязі з 75-годдзем Перамогі ў Вялікай Айчыннай вайне 1941-1945 гадоў».

У законе вызначаны катэгорыі грамадзян, якія падлягаюць вызваленню ад пакарання: непаўналетнія, цяжарныя жанчыны, жанчыны і адзінокія мужчыны, маючыя дзяцей ва ўзросце да 18 гадоў, асобы пенсійнага ўзросту, інваліды I і II групы, ветэраны баявых дзеянняў, асобы, якія атрымалі раненні ў перыяд праходжання службы, якія пацярпелі ад катастрофы на Чарнобыльскай АЭС, а таксама некаторыя іншыя катэгорыі асуджаных і абвінавачаных. Папярэдне колькасць такіх грамадзян складзе амаль 5,4 тыс. чалавек.