Касавіца пачалася
Гаспадаркі раёна прыступілі да ўборкі траў першага ўкосу
Адсутнасць раней дажджоў і халоднае надвор’е цяпер негатыўна адбіліся на росце траў. У сельгаспрадпрыемствах завяршаюцца арганізацыйныя работы перад касавіцай: падрыхтаваныя траншэі для закладкі сіласнай і сянажнай масы, гатовая да работ тэхніка. Сёлета траў першага ўкосу трэба ўбраць на плошчы 18500 гектараў. Запланавана нарыхтаваць 11900 тон сена, 154800 тон сенажу, 293100 тон сіласу.
Пачалі ўбіраць травы першага ўкосу ААТ «Мілейкі», «Целяханы-агра», «Новыя Стайкі», «Перамога», СВУ «Даманава», ААТ «Косава», «Івацэвічыагратэхсэрвіс». Усяго на 18 мая было ўбрана 926 га траў, нарыхтавана 964 тоны сенажу, 4727 тон сіласу. Наперадзе – асноўная работа, якая запатрабуе аператыўнасці з самым строгім выкананнем тэхналогіі закладкі зялёнай масы, каб атрымаць якасныя кармы.
Тэкст і фота Валерыя МІСКЕВІЧА.