Каб жыла вечна памяць
Вясной бягучага года на могілках у в. Галенчыцы прайшлі рэканструкцыя і абнаўленне помніка Меланні Гаўрылаўны Макарэвіч, мясцовай жыхаркі, якая была расстраляна нямецкафашысцкімі захопнікамі ў 1943 годзе.
Ініцыятарамі рэканструкцыі помніка выступілі родзічы загінуўшай жыхаркі – Надзея Герасімаўна Таўрэль і Ганна Іванаўна Алексяевіч з Яглевічаў, якія прафінансавалі палову кошту ад усіх работ. Таксама значную фінансавую дапамогу аказала і кіраўніцтва Івацэвіцкага раёна, не засталіся ў баку стараста Галенчыц Мікалай Васільевіч Ахрамовіч і работнікі Яглевіцкага сельвыканкама. Да 75-годдзя Перамогі работы каля помніка Меланні Макарэвіч былі завершаны, як і каля ўсіх іншых помнікаў і памятных знакаў Яглевіцкага сельсавета.
Аляксандр ГОРБАЧ.