У Івацэвіцкім раёне ўзялі пад ахову месца вырастання лілеі кучаравістай
На тэрыторыі Быценскага лясніцтва выдзелена 10,5 га, дзе расце лілея кучаравістая. Інакш гэтую дзікарослую кветку называюць царскімі кучарамі. У месцы вырастання чырвонакніжнікаў, у прыватнасці, забараняецца праводзіць суцэльныя і паступовыя рубкі, спальваць пасечаныя рэшты драўніны, выкарыстоўваць машыны на гусенічным хаду, парушаць цэласнасць глебы. Дапускаюцца работы, якія праводзяцца для аховы лесу і тушэння пажараў, навуковыя мерапрыемствы па захаванні і рассяленні віду. Таксама на выдзеленым участку не дазваляецца праводзіць гідратэхнічную меліярацыю зямель і іншыя работы па рэгуляванні воднага рэжыму.