Стартаваў навучальны перыяд
у другім асобным батальёне в/ч 7404 з комплексных заняткаў па тэхніцы бяспекі.
13 студзеня ў другім асобным стралковым батальёне в/ч 7404 адбыўся мітынг, прысвечаны адкрыццю новага навучальнага перыяду, у якім прынялі ўдзел намеснік камандзіра вайсковай часці 7404 па тыле, начальнік тылу Алег Рагінскі, камандзір батальёна Аляксандр Карнялюк, старшыня раённага Савета дэпутатаў Аляксандр Сарока, настаяцель храма Нараджэння Прасвятой Багародзіцы в. Глінная іерэй Віктар, першы сакратар Івацэвіцкага РК ГА «БРСМ» Вольга Белякова.
Госці пажадалі ваеннаслужачым высокіх прафесійных дасягненняў, паспяхова выконваць задачы, падтрымліваць дысцыпліну на высокім узроўні.
Навучальны перыяд стартаваў з комплексных заняткаў па тэхніцы бяспекі. Як адзначыў Алег Рагінскі, гэтыя заняткі ўжо прыносяць плён, траўм у радах вайскоўцаў, звязаных з невыкананнем тэхнікі бяспекі, стала значна меней.
Таксама ў гэты дзень другі асобны батальён наведаў намеснік камандуючага ўнутранымі войскамі палкоўнік Хазалбек Атабекаў, які пракантраляваў правядзенне комплексных заняткаў па давядзенні патрабаванняў бяспекі і высока ацаніў узровень падрыхтоўкі ваеннаслужачых батальёна.
Ганна ІЛЬЯШЭВІЧ, фота аўтара.