У Беларусі пачалася вакцынацыя ад каранавіруса медработнікаў,
Якія знаходзяцца ў зоне рызыкі
Установы аховы здароўя атрымалі партыі вакцын «Спадарожнік V» для вакцынацыі медработнікаў Беларусі, якія знаходзяцца ў зоне рызыкі. Пра гэта паведамілі ў прэсслужбе Міністэрства аховы здароўя.
Перш за ўсё будуць прышчэплены 2 285 медработнікаў Мінска, 3 460 Брэсцкай, 3 260 Віцебскай, 4 365 Гомельскай, 1 735 Гродзенскай, 1 610 Магілёўскай, 2 485 Мінскай абласцей. Каля 800 доз – для медработнікаў рэспубліканскіх устаноў.
Практыка пачатку вакцынацыі з медыцынскіх работнікаў аналагічная сусветнай. Міністэрства аховы здароўя размеркавала вакцыну па рэгіёнах у залежнасці ад заявак устаноў аховы здароўя. Усе пытанні захавання халадовага ланцуга адпрацаваны, паведамляе ведамства.