Фікус у кватэры

Некалі фікус быў самай папулярнай хатняй раслінай. Ці не ў кожнай кватэры і ў вясковым доме. Але потым мода на яго прайшла. Чаму?

Між тым, гэта хатняя расліна настойліва рэкамендавалася кіраўніцтвам СССР. Пачатак быў пакладзены пры Сталіне. Сярод вучоных тады хапала і цемрашалаў, вось адзін і адкрыў, што фікус у доме, асабліва ў спальным пакоі, спрыяе нараджальнасці. І ў краіне запрацавала літаральна вытворчасць па развядзенні фікусаў. Асаблівая іх папулярнасць – у пасляваенныя гады.

Калі культ Сталіна быў асуджаны Хрушчовым, дасталася і фікусу, які пачалі атаясамліваць з мінулым праўленнем і залічылі ў «кветкі мяшчанства». Фікус пачаў знікаць з жытла. Тым больш, што народныя павер’і, хоць не аспрэчвалі ягоную «дапамогу ў цяжарнасці», тым не менш, прыпісвалі яму якасці «мужагона».

Васіль КУЗЬМІЧ.