«Мой родны кут, як ты мне мілы...»

У дзень Святой Тройцы ладзілася свята вёскі Дабромысль, якая ўпершыню ўпамінаецца ў 1514 годзе. Аб тым, што жыхары вёскі любяць і шануюць свой край, сведчыць вялікая колькасць людзей, якія прыйшлі на свята. Тут сабраліся і пажылыя людзі, і моладзь, і ўраджэнцы з розных мясцін любай Бацькаўшчыны, і з краін бліжняга замежжа, каб ушанаваць сваю родную вёску.

Са сцэны са святам землякоў павіншаваў старшыня Дабромысленскага сельвыканкама Мікалай Шаўчук. Ён падкрэсліў, што хочацца, каб свята Святой Тройцы і вёскі аб’ядноўвала ўсіх нас і запальвала ў нашых сэрцах і думах агеньчык памяці, светлую духоўнасць. Аўтар гэтых радкоў, ветэран педагагічнай працы, расказаў аб гістарычным мінулым роднага краю, аб унікальных гістарычных фактах, якія звязаны з гісторыяй вёскі, пра яе знакавыя падзеі. З прывітальным словам да аднавяскоўцаў звярнуўся дырэктар ДУА «Дабромысленскі дзіцячы садсярэдняя школа» Міхаіл Казлоўскі, выказаў словы падзякі настаўнікам, работнікам дзіцячага садка, тэхперсаналу за іх добрасумленную працу. Хвілінай маўчання ўшанавалі аднавяскоўцаў, загінуўшых у гады Вялікай Айчыннай вайны.

Добрымі словамі і памятным падарункам адзначылі ў гэты святочны дзень самую пажылую жыхарку вёскі. Вось ужо 97 гадоў жыве з павагай да людзей і любоўю да зямлікарміцелькі Марыя Осіпаўна Емяльянчык. Падарунак перадалі дачцэ.

Не засталіся без увагі 50-, 60-, 70- і 80-гадовыя юбіляры. А гэта Людміла Субоцька, Валянціна Дзенісевіч, Мікалай Канявега, Таццяна Канявега, Міхаіл Лазарчук, сямейныя пары: Дзмітрый і Марына Леўчукі, Уладзімір і Ірына Сяргейчыкі; Віктар Бубен, Соф’я Мартынава, Таццяна Лешка, Уладзімір Сяргейчык, Святлана Харко, Тэрэза Самсон, Аляксандр Хвясько, Сяргей Данчанка, Мікалай Шаўчук; Іван Карачун, Міхаіл Чынікайла; Аляксандра Мінюк, Кацярына Сялейка, Лідзія Чыркова. Усе яны атрымалі каштоўныя падарункі.

Ушаноўвалі на свяце брыльянтавых, залатых і сярэбраных юбіляраў. 60 гадоў сумесна пражылі Уладзімір і Кацярына Сялейкі. Сумесна пражылі 50 гадоў Міхаіл і Соф’я Чынікайлы. Адсвяткавалі 25-гадовы юбілей сумеснага жыцця Дзмітрый і Таццяна Капейкі, Аляксандр і Таццяна Сцепанчукі, Мікалай і Святлана Канявегі, Сяргей і Вольга Гаварушкі, Сяргей і Святлана Скрабцы, Дзмітрый і Марына Леўчукі, Уладзімір і Вольга

Канявегі. Ім былі ўручаны памятныя сувеніры. Адзначылі і тых, хто ў гэты дзень святкаваў дзень нараджэння.

На сцэну для атрымання падарункаў былі запрошаны бацькі самых маленькіх жыхароў Дабромысля Мікалай і Вераніка Сяргейчыкі, Дзмітрый Задумкін і Ганна Бабылёва, у якіх нарадзіліся сын Аляксандр і дачка Тэона.

На свяце падвялі вынікі конкурсу на лепшы падворак вёскі. Пераможцамі сталі падворкі Дзмітрыя і Веры Амяляшчыкаў, Віктара і Таццяны Войцікаў. Іх падворкі круглы год радуюць утульнасцю, чысцінёй і прыгажосцю.

Радавалі на нашым свяце людское вока прыгожыя работы народных умельцаў Тэрэсы Хвясько, ветэрана педагагічнай працы, Таццяны Капейка, бухгалтара філіяла «Дабромысль» ТАА «Брэст-травы», якія вызначаюцца арыгінальнасцю і прыгажосцю. За сваю любоў да народнай творчасці яны атрымалі каштоўныя падарункі.

У гэты дзень адзначаўся Дзень медыцынскіх работнікаў. Асаблівыя словы шчырай падзякі за добрасумленныя адносіны да сваёй прафесіі гучалі ў адрас загадчыцы Дабромысленскага ФАПА Веры Амяляшчык, якая нядаўна атрымала Падзяку старшыні Палаты прадстаўнікоў Нацыянальнага сходу Рэспублікі Беларусь, і санітарцы Таццяне Лешка, ветэрану аховы здароўя Аліне Сяргейчык. Яны былі ўзнагароджаны памятнымі сувенірамі.

Словы падзякі за сваю працу гучалі ў адрас работнікаў гандлю, пошты, бытавога абслугоўвання, пажарна-выратавальнага паста Івацэвіцкага РАНС, работнікаў сельскай і лясной гаспадаркі, сацыяльных работнікаў. Цікавай была спартыўная праграма свята. Праводзіліся спаборніцтвы па армрэслінгу, баю з мяшкамі на бервяне, праведзена таварыская сустрэча па валейболе паміж камандамі філіяла «Дабромысль» ТАА Брэст-травы» і ДУА «Дабромысленскі дзіцячы садсярэдняя школа». Хочацца выказаць шчырыя словы падзякі настаўніку фізічнай культуры і здароўя нашай школы Аляксандру Сплендзеру, які цікава і арганізавана правёў спартыўную частку свята.

Радасна і весела правялі свята дзеці, якія скакалі на батуце.

Святочным і вясёлым мерапрыемствам рабілі песні і танцы ў выкананні аматарскага аб’яднання «Медуніца», калектыва-ўдзельніка многіх святочных мерапрыемстваў, якія праводзяцца ў раёне. Усіх гэтых прыгожых і таленавітых жанчын аб’ядноўвае вялікая любоў да народнай песні.

Шчырыя словы падзякі ад аднавяскоўцаў выказваем нашай таленавітай зямлячцы Наталлі Нарэйка і яе мужу Яўгену, артыстцы-вакалістцы і артысту балета Заслужанага калектыву Рэспублікі Беларусь «Дзяржаўны акадэмічны ансамбль танца Беларусі», якія падарылі сваім землякам некалькі песень, іх выступленне ўсіх зачароўвала.

Каторы раз парадавалі сваім песенным майстэрствам сямейны дуэт Мікалая і Тэрэсы Хвясько. Лірычныя песні выканалі Анастасія Капейка, Ксенія Бубен, Кацярына Мікуцель, Ангеліна Гаварушка, Аляксандра Петрушэвіч, цудоўны верш прачытала землякам юная Ксенія Шаўчук.

Словы падзякі ад аднавяскоўцаў выказваем работнікам гандлю, грамадскага харчавання філіяла спажывецкага таварыства «Аптовая база».

Асаблівыя словы падзякі выказваем старшыні сельскага савета Мікалаю Шаўчуку, кіраўніку справамі сельвыканкама Жанне Данчанка, пашпартысцы Святлане Сяргейчык, загадчыцы сельскага клуба Галіне Шаўчук, акампаніятару Таццяне Канявега, кіраўніку філіяла «Дабромысль» ТАА Брэст-травы» Аляксандру Пятліцкаму, дырэктару ДУА «Дабромысленскі дзіцячы садсярэдняя школа» Міхаілу Казлоўскаму, раённаму Савету ветэранаў, Івацэвіцкаму ТЦСАН, усім удзельнікам мастацкай самадзейнасці.

Вялі праграму на роднай мілагучнай мове Галіна Шаўчук, загадчыца сельскага клуба, і Фаіна Цыганкова, настаўніца пачатковых класаў мясцовай школы.

Свята вёскі скончылася пад вечар. Добрую ацэнку святу далі людзі.

Раіса Іванаўна Маркава, жыхарка горада Горлаўка Данецкай вобласці, сказала:

– Я ў захапленні ад убачанага і пачутага. Сустрэла на свяце праз многія гады сваіх землякоў з малой радзімы. Колькі было ўшанавана людзей, прагучала столькі цудоўных песень. Няхай і далей радуюць маіх землякоў сваім майстэрствам жанчыны з «Медуніцы». Асаблівыя словы падзякі Наталлі і Яўгену Нарэйкам, Мікалаю і Тэрэсе Хвясько, дзяўчынкам-школьніцам. Дзякую ім і ўсім арганізатарам, што падарылі маім землякам такое чароўнае свята.

Сцяпан КУНІЦКІ, вёска Дабромысль.