...І забяспечыць свабодны доступ

Стварэнне даступнага асяродка для інвалідаў і фізічна аслабленых людзей – адзін з асноўных кірункаў сацыяльнай палітыкі нашай краіны, дзе важнае значэнне надаецца забеспячэнню бесперашкоднага доступу такіх людзей да сацыяльных аб’ектаў, паслуг. Дзяржаўная праграма «Сацыяльная абарона» (распрацавана на 20212025 гады) пашырае магчымасці маламабільных людзей. Сёння ўжо ніхто не вядзе гутарку толькі пра пандусы; у гэтым кірунку робіцца вельмі многае, у тым ліку – для канкрэтнага чалавека.

Так, у 2020 годзе ў нашых Івацэвічах за сродкі дзяржавы праведзены работы па добраўпарадкаванні дарожна-вулічнай сеткі на вул. Чарткова, Механізатараў – з улікам перасоўвання маламабільных людзей. Пакладзены тратуар да будынка БЕЛТІЗ; безбар’ерны асяродак створаны для дзвюх сямей з інвалідамі, якія пражываюць на вул. М. Танка, на што затрачана больш за 20 000 рублёў. Для

інвалідаў створаны камфорныя аўтамабільныя пляцоўкі; канкрэтная работа праводзіцца ў навучальных установах. Некаторыя прадпрымальнікі таксама адгукнуліся на падобныя ініцыятывы: у магазіне «Хост» ёсць пад’ёмнік для інвалідаў-калясачнікаў, набываюцца спецыяльныя прыстасаванні для камфортнага руху такіх людзей па лесвіцах гандлёвых прадпрыемстваў.

У 2021 годзе безбар’ерным стаў рух да ЦКРНІР у райцэнтры, праводзяцца работы для безбар’ернага перасоўвання на перакрыжаванні вул. Леніна і Чарткова. Робіцца максімальна магчымае, каб кожны інвалід мог адчуваць сябе паўнавартасным членам грамадства. Аляксандр ГОРБАЧ, Валерый МІСКЕВІЧ

(фота).