...І нават закрываюць магазіны,

За апошнія два тыдні дзейнасць пяці гандлёвых прадпрыемстваў Івацэвічаў, у тым ліку магазіна «Санта», была прыпынена санітарнай службай нашага раёна – да таго часу, пакуль не будуць ліквідаваны ўсе парушэнні і недахопы. Месцы масавага знаходжання людзей – пад пільным кантролем, бо менавіта тут, прабачце, «разносіцца халера», з якой ужо больш за паўтара года змагаюцца ва ўсім свеце.

…Наша рэйдавая група спыніла гарадскі аўтобус №6, які адпраўляецца ад вакзала. Парадавала, што ўсе пасажыры выкарыстоўваюць маскі, а вадзіцель сцвярджае, што сочыць за гэтым пільна. Па яго словах, нікога ўгаворваць асабліва не трэба – людзі ўсё цудоўна разумеюць, хаця школьнікі часам праяўляюць несвядомасць. Дарэчы, кожны раз робячы гукавое паведамленне аб тым, што ў рэйс адпраўляецца аўтобус, на аўтавакзале нагадваецца аб тым, што пасажыр павінен выкарыстоўваць маску…

Мы некалькі разоў заходзілі ў памяшканне вакзала, дзе назіраецца актыўны рух людзей. Маскі выкарыстоўвалі ўсе. Толькі адзін юнак, які чакаў аўтобус да Быцені, трымаў яе ў кішэні, але адразу надзеў, калі мы да яго падышлі з адпаведным пытаннем. Маюцца тут дазатары з антысептыкамі, прадугледжана рассадка людзей з захаваннем дыстанцыі, праводзіцца апрацоўка рабочай паверхні, ручак.

Людзі, з якімі размаўлялі, дэманструюць ковіднасцярожанасць, што не можа не радаваць. Гэтак жа і ў гандлёвых кропках – райспажыўтаварыства і прыватных структур, якія месцяцца каля вакзала; пакупнікі чакаюць на вуліцы сваю чаргу, каб не заходзіць у цесную гандлёвую залу, бо шанс «падхапіць» гэтае каварнае захворванне тут намнога вышэй. Прадаўцы нам расказалі, што мадэль паводзінаў пакупнікоў змянілася кардынальна. Калі раней цясніліся і тоўпіліся – і нікога гэта не засмучала, то зараз нярэдка чуеш заўвагі накшталт «Не трэба лезці мне на плечы», або «Калі кашляеце і хварэеце – сядзіце дома».

Каментарый па выніках рэйда памочніка ўрачагігіеніста Наталлі ТАЛОЧКА:

– Звярніце ўвагу на некалькі момантаў: важна кожнаму з нас мець некалькі масак, а не карыстацца адной кожны дзень. Будзьце прынцыповымі, не бойцеся зрабіць заўвагу таму, хто не захоўвае масачны рэжым. Не дапускайце стоўпатварэння, захоўвайце дыстанцыю. Сродкі для апрацоўкі рук з таблічкай, якая нагадвае аб неабходнасці апрацоўкі, павінны знаходзіцца на відным месцы. На гэтым дазатары важна ўказаць назву прэпарата, каб чалавек, які пакутуе на алергічныя захворванні, быў упэўнены, што яму нічога не пагражае. Той, хто працуе з «жывымі» грашыма, павінен асабліва часта апрацоўваць рукі.

Рэйдавая група: Наталля ТАЛОЧКА, памочнік урачагігіеніста ДУ «Івацэвіцкі РЦГІЭ»,

Аляксандр ГОРБАЧ, «ІВ». Р.S. Як паведамілі ў Івацэвіцкім РЦГІЭ, у мінулы чацвер, 7 кастрычніка, была прыпынена работа магазіна «Еўраопт» на вул. Механізатараў райцэнтра – за невыкананне антыковідных мерапрыемстваў. Да таго часу, пакуль у гэтай гандлёвай кропцы не будуць ліквідаваны ўсе адпаведныя парушэнні і недахопы.