Два гады пхіміія
Атрымаў жыхар Косава, які сарваў чатыры дзяржаўныя сцягі
– Я не да канца разумеў характар сваіх дзеянняў, бо знаходзіўся ў стане дэпрэсіі па прычыне смерці маіх знаёмых у ДТЗ. Ні ў якім разе не хацеў сваім учынкам прадэманстраваць сваю непавагу да дзяржаўнай сімволікі, бо адношуся да яе з павагай. Я раскайваюся, – так тлумачыў у судзе свой учынак Б., жыхар Косава 1992 г. н., які ў нецвярозым стане ў начны час 27 жніўня сарваў чатыры дзяржаўныя сцягі, што знаходзіліся на будынках прадпрыемстваў гандлю і дзяржаўных устаноў Косава.
Была ўзбуджана крымінальная справа па арт. 370 Крымінальнага кодэкса Рэспублікі Беларусь, разгляд адбыўся ў панядзелак, 25 кастрычніка. Б. поўнасцю кампенсаваў нанесеныя страты ўстановам, з якіх ён зрываў сцягі. Разам з тым, у паказанняў яго і сведкі Л., маладога мужчыны з Косава, які ў тую ноч таксама бавіў час з Б., назіраліся значныя нестыкоўкі. Так, Л. паведаміў, што перад тым, як рушыць здымаць сцягі, Б. уступіў у палітычныя спрэчкі з членамі кампаніі, нязгодных з ім абзываў «лукашыстамі», што скончылася сваркай і нават бойкай. Але, калі іншыя маладыя мужчыны ў тую ноч пасля «палітінфармацыі» пайшлі дамоў, то Б. накіраваўся зрываць сцягі.
У сваім апошнім слове Б. не сказаў нічога новага, а падкрэсліваў, што ён насамрэч паважае дзяржсімволіку – не толькі сцяг, але і гімн, і герб.
Суд Івацэвіцкага раёна прызнаў Б. вінаватым і прызначыў пакаранне – два гады абмежавання волі з накіраваннем у папраўчую ўстанову адкрытага тыпу (так званая «хімія»). Прысуд можа быць аспрэчаны на працягу 10 сутак з моманту яго вынясення.
Наш кар.