Прыняты меры для недапушчэння зніжэння даступнасці меддапамогі
Міністэрства аховы здароўя пракаменціравала загад нумар 1318 ад 22 кастрычніка 2021 года «Аб змяненні загада нумар 900 ад 21 ліпеня 2021 года». – Частка бальнічных арганізацый аховы здароўя перапрафіліравана ў інфекцыйныя шпіталі, аптымізавана работа паліклінік. Амбулаторна-паліклінічная дапамога пераарыентавана на аказанне дапамогі дома, арганізавана выязная форма работы з інфекцыйнымі пацыентамі і іх кантактамі, – адзначылі ў Міністэрстве аховы здароўя.
У амбулаторна-паліклінічных арганізацыях прыняты дадатковыя меры, каб не дапусціць зніжэння даступнасці меддапамогі, у першую чаргу пажылым асобам і інвалідам. Арганізаваны тэлефонныя лініі для кансультацый па пытаннях інфекцыі COVID-19 і заказу рэцэптаў на лекавыя прэпараты. Для пажылога насельніцтва і інвалідаў арганізаваны забор біялагічных матэрыялаў для лабараторных даследаванняў і правядзенне электракардыяграфіі дома. Праводзіцца выпіска рэцэптаў пацыентам з хранічнай паталогіяй і інвалідам з дастаўкай іх па месцы пражывання пацыента.
Загад рэгламентуе аказанне планавай стаматалагічнай дапамогі, скрынінгаў раку асноўных лакалізацый, правядзенне дыспансерных медаглядаў людзей, якія перанеслі інфекцыю COVID-19, пацыентаў з хваробамі сардэчна-сасудзістай сістэмы з высокай рызыкай ускладненняў, пацыентаў з перадапухліннымі захворваннямі з высокай рызыкай развіцця анкалагічных захворванняў.
Прадоўжаць аказваць спецыялізаваную медыцынскую дапамогу пацыентам з неінфекцыйнай паталогіяй, у тым ліку з хваробамі сістэмы кровазвароту, анкалагічнымі захворваннямі, цукровым дыябетам і іншымі ў поўным аб'ёме.