Ведаць свае карані
Канікулы - гэта добры час, калі дзеці адпачываюць, набіраюцца ўражанняў, таму педагогі Макранскага ВПК імкнуцца зрабіць іх адпачынак цікавым і карысным. Акрамя гульнявой і спартыўнай пляцовак, вучні маглі наведваць аб’яднанне па інтарэсах "Юныя этнографы".
Беларуская этнаграфія - гэта навука аб нашым народзе, яго ладзе жыцця, гісторыка- культурных традыцыях. Яна дае нам адказы на пытанні аб нашым паходжанні, нашых каранях і продках.
На занятках гуртка вучні знаёмяцца з асновамі этнаграфіі. Жыццё беларусаў паказана ў цеснай сувязі з другімі народамі - pycкiмi, палякамі, літоўцамі, yкpaiнцaмi. Разглядаем паняцці народнай культуры, этнагенезу беларусаў, расавую i этналінгвістычную класіфікацыю народаў, паходжанне назвы Беларусі. Дзяцей цікавяць традыцыі, быт беларускага народа, старажытная духоўная спадчына.
Дапамагаюць у арганізацыі работы гуртка даведнікі, энцыклапедыі, кнігі па гісторыі, аб традыцыях беларусаў, экспанаты этнаграфічнага кутка, а таксама школьнага гісторыка-краязнаўчага музея. Заняткі гуртка выкладаюцца на беларускай мове, а формы ўрокаў самыя разнастайныя.
Самабытнасць беларускага народу дайшла да нашага часу і з'яўляецца крыніцай нашага існавання. Наша Беларусь - таямнічая, з унікальным дарам людской гасціннасці, дабрыні. Гэта і жадаю данесці да душ дзяцей. І з задавальненнем заўважаю вялікае жаданне выхаванцаў ведаць свае карані, сваю спадчыну.