Сімвалы мірнай краіны
(Пачатак на стар. 1) “Сёння мы асабліва падкрэсліваем значнасць гэтых неад’емных сімвалаў Рэспублікі Беларусь. Яны ўвасабляюць ідэі нацыянальнага адзінства, важнейшыя атрыбуты суверэнітэту і незалежнасці Айчыны, адлюстроўваюць духоўныя і маральныя якасці нацыі, асаблівасці культуры і светапогляду беларускага народа, яго імкненне да самавызначэння і незалежнага развіцця. Воляй народа нашы беларускія сцяг, герб і гімн
Смотрите видео! сталі духоўнымі святынямі, якія аб’ядноўваюць нас у адну вялікую сям’ю, напаўняючы сэрцы гонарам за прыналежнасць да народа з багатай гісторыяй і слаўнымі традыцыямі, стваральным сённяшнім часам і амбіцыёзнай будучыняй. Шанаваць і паважаць дзяржаўныя сімвалы — гістарычны і грамадзянскі абавязак кожнага чалавека, які жыве на беларускай зямлі”, — адзначыў намеснік старшыні Ваўкавыскага райвыканкама Ігар Салавей.
У гэтыя майскія дні, нагадаем, адзначаецца яшчэ і Дзень сям’і, і сям’я для народа, грамадства і дзяржавы мае таксама надзвычайна важнае значэнне. Таму цалкам лагічным быў яшчэ адзін урачысты момант падчас мітынгу: старшыня Ваўкавыскага райвыканкама Міхаіл Сіцько пад апладысменты прысутных уручыў ордэн Маці жыхаркам нашага горада Яўгеніі Дзяшук і Мар’яне Касцюк, якія нарадзілі і разам са сваімі мужамі выхавалі па пяцёра дзяцей.
Наступная ўрачыстасць надышла для шэрагу лепшых вучняў раёна: развітаўшыся з піянерскім дзяцінствам, яны здалі свае піянерскія гальштукі і атрымалі членскія білеты Беларускага рэспубліканскага саюза моладзі, прамовіўшы словы клятвы, у якой гаварылася аб павазе маладога пакалення да гераічнага мінулага і подзвігу продкаў, вернасці Бацькаўшчыне і сімвалам дзяржавы, адказнасці за будучыню Беларусі. З патрыятычнымі музычнымі і харэаграфічнымі нумарамі выступілі юныя артысты і іх старэйшыя таварышы. Урачыстым маршам пасля завяршэння мітынгу прайшлі супрацоўнікі сілавых структур, і ад райвыканкама стартаваў аўтапрабег да мемарыяльнага комплексу “Парахаўня”, да помнікаў якога прадстаўнікі грамадскасці ўсклалі кветкі, падзякаваўшы тым самым абаронцам і вызваліцелям Айчыны за свабоду і незалежнасць, за мірнае неба над галавой.