План ратавання неплацежаздольных гаспадарак

У Віцебскай вобласці прадумалі план ратавання неплацежаздольных гаспадарак. Аб гэтым губернатар рэгіёна Мікалай Шарстнёў праінфармаваў Прэзідэнта Беларусі Аляксандра Лукашэнку ў час рабочай паездкі кіраўніка дзяржавы ў Міёрскі раён.

Задачу вырашыць гэту прабле‑ му Аляксандр Лукашэнка паставіў перад кіраўніцтвам Віцебскай вобласці яшчэ ў красавіку на на‑ радзе па развіцці аграпрамысло‑ вага комплексу. Прадпрыемствы рэгіёна накапілі даўгоў больш як на Br3,6 млрд. Усяго такіх гаспада‑ рак каля сотні.

Абласныя ўлады разам са спецыялістамі з розных міністэрстваў пастараліся раза‑ брацца ў праблеме. Аказала‑ ся, што толькі ўзаемазалік па ўнутрыабласных даўгах складае Br638 млн.

«Мы запрасілі ўсіх зацікаўленых, каму вінавата Віцебская вобласць, і выпрацавалі рашэнне: трэба стварыць адзіную кіруючую струк‑ туру, якая будзе рэальна кіраваць вёскай на камерцыйнай аснове», – сказаў Мікалай Шарстнёў.

Калі гаспадаркі ўвойдуць у гэты холдынг, унутрыабласныя даўгі спішуцца адразу ж. Другую част‑ ку завінавачанасці (банкаўскія крэдыты, запазычанасць перад бюджэтам, за электраэнергію, мінеральныя ўгнаенні, па лізінгу) банкі гатовы рэструктурыза‑ ваць на 15 гадоў пры ўмове, што кіруючая кампанія будзе спраўна выплачваць гэты доўг пад невялі‑ кія працэнты. Размова ідзе больш як аб Br2 млрд.

«У нас застаецца тады Br848 млн. У асноўным гэта доўгатэрміновыя крэдыты, якія не абцяжарва‑ юць: жыллё на 40 гадоў, тэхніка, памяшканні, будынкі і гэтак далей. Інакш кажучы, Віцебская вобласць стане практычна чыстай. І ў гэтых умовах, не звяртаючыся да бю‑ джэтнага фінансавання, мы спа‑ койна можам зрабіць ужо другі крок: пабудаваць малочнатавар‑ ныя комплексы, свінакомплексы, абнавіць матэрыяльную базу. Літаральна два‑тры гады – во‑ бласць стане зусім іншай», – упэўнены губернатар.