Сямейная творчасць – роднаму гораду

Фестываль сямейных каштоўнасцей «Усё пачынаецца з сям’і» аб’яднаў аматараў фатаграфаваць, рабіць прыгожыя рэчы сваімі рукамі, спяваць і танцаваць.

Аматараў выяўленчага мастацтва чакаў сюр‑ прыз: у праграме былі заяўлены тры мастакі, а на выставе можна было ўбачыць карціны адразу пяці: да Тэрэсы і Вікторыі Варановічаў і Бірутэ Куцкайтэ далучыліся Стэфан Казлоўскі і Аляк‑ сандр Буйвідовіч.

У кожнага мастака свой стыль, кожная карціна – асобны настрой. Але ўсіх іх яднае магнетызм, які прыцягвае да іх работ – і глядач абавязкова спыня‑ ецца каля кожнага палатна.

Прыемна, што на выставе прысутнічалі і самі мастакі – а сярод наведвальнікаў былі і іх вучні. Яшчэ больш здымкаў і відэа на сайце «АП». Рэпартаж са свята глядзіце ў выпуску тэлепраграмы «ТВА. ТВой Астравец». Удзельнікамі фестывалю, які прайшоў у мінулую су‑ боту, сталі 29 сем'яў. Іх у дзень горада сабрала раённая арганізацыя рэспубліканскага грамадскага аб’яднання «Белая Русь». Палюбавацца фотаздымкамі, на якіх былі адлюстраваны ўсмешкі шчаслівых сем’яў, іх традыцыі, гісторыя і сучаснасць, можна было на фотасушцы – яна разгарнулася на падворку «Белай Русі» каля Цэнтра творчасці дзяцей і моладзі. Тут жа размясціліся і вырабы дэкаратыўна‑прыкладной творчасці. Выцінанкі і вышыванкі, вырабы з паперы, саломкі і бісеру, бацік – было бачна, што сем’яў, аб’яднаных агульнымі захапленнямі, у нас шмат. А вось правесці трэці этап фестывалю сямей‑ ных каштоўнасцей – конкурс песні і танца – перашкодзіў дождж. Прамоклыя да ніткі, але з добрым настроем дзеці і дарослыя перамясціліся ў актавую залу цэнтра творчасці – тут адбылося ўзнагароджванне ўдзельнікаў фестывалю. Сем’і Волкавых, Карчэўскіх, Уласік, Вай‑ цяховіч, Мароз, Мілько, Балдэску, Сунэлік, Букель, Ваховіч, Гасперскіх, Кумішча, Він‑ нічак, Русакевіч, Якавец, Грыва, Марцінкевіч, Адула, Сакалоўскіх, Зароўскіх, Ігнатовіч, Сцефановіч, Жалток, Садоўскіх, Сацу‑ ра‑Медэйша, Страцэўскіх і Куцько былі ўзнагароджаны падарункамі і сувенірамі ад раённай арганізацыі РГА «Белая Русь».