Прагнозы на 2019
Бюджэтны сектар у 201V годзе атрымае дадатковыя рэсурсыK Гэта прадугледжана праектам бюджэту на будучы годK
Па словах міністра фінансаў Максіма Ермаловіча, рэспубліканскі кансалідаваны бюджэт па аб'ёме ў намінальным выражэнні застанецца ў тых жа параметрах, што мы маем цяпер. Але бюджэтны сектар атрымае дадатковыя рэсурсы. Гэта патрабаванне кіраўніка дзяржавы, гэта якасць жыцця насельніцтва.
Разам з тым у 2019 годзе дзяржпадтрымка прадпрыемстваў знізіцца. «Умовы работы палепшыліся. Гэта не 2015-2016 гады, калі бюджэту даводзілася вырашаць праблемы прадпрыемстваў. Цяпер сітуацыя павінна мяняцца», – растлумачыў міністр.
Бюджэт на наступны год будзе прафіцытным. «Захоўваецца задача, устаноўленая Прэзідэнтам у Пасланні беларускаму народу, аб неабходнасці зніжэння даўгавой нагрузкі на бюджэт. Для зніжэння ўзроўню дзярждоўгу трэба траціць менш, чым зарабляем. Таму пэўныя даходы бюджэту, якія не маюць пастаяннага характару, звязаны з нафтавай кан'юнктурай, будуць накіроўвацца на пагашэнне дзярждоўгу», – адзначыў Максім Ермаловіч.
Паводле слоў міністра, бюджэт гэтага года выконваецца лепш, чым планавалася. Базіраванне на кансерватыўных ацэнках прагнозаў сацыяльна-эканамічнага развіцця дае магчымасць у працэсе выканання бюджэту прымаць рашэнні аб пераразмеркаванні або дадатковым фінансаванні найбольш важных параметраў, вызначаемых Прэзідэнтам.
Паводле матэрыялаў БелТАK