Першы буквар
Урачыстае мерапрыемстваI прысвечанае 400-годдзю выдання першага ў свеце …Буквара славянскай мовы»I прайшло ў Нацыянальнай бібліятэцыK
«Выстаўка «Буквары народаў свету» і факсімільнае аднаўленне першага буквара – значная падзея ў культурным жыцці гэтага года. Такія праекты эфектыўна садзейнічаюць папулярызацыі лепшых прыкладаў кніжнай культуры беларускага народа, захаванню нашай культурнай спадчыны», – адзначыў на ўрачыстай цырымоніі міністр замежных спраў Беларусі Уладзімір Макей.
Праект быў рэалізаваны Нацыянальнай бібліятэкай пры падтрымцы міністэрстваў замежных спраў, культуры і адукацыі, пасольстваў Беларусі ў Вялікабрытаніі і ў Латвіі, Еўрапейскага банка рэканструкцыі і развіцця, Белінвестбанка. У рабоце прымалі ўдзел Міжнародная асацыяцыя беларусістаў, Лонданская бібліятэка Мідл Тэмпл, Беларускі дзяржаўны ўніверсітэт.
Першай у свеце кнізе пад назвай «Буквар» 24 ліпеня споўнілася 400 гадоў. У 1618 годзе ўбачыў свет «Буквар славянскай мовы», і да яго з'яўлення мелі дачыненне беларусы.
Першы «Буквар» выйшаў на царкоўнаславянскай мове ў друкарні Віленскага праваслаўнага брацтва Святога Духа ў Еўі на 52 лістах у кішэнным фармаце. У ім размешчаны славянскі алфавіт, прыклады складоў з дзвюх і трох літар, простыя словы на царкоўнаславянскай мове, пералік знакаў прыпынку, лічбаў (у кірылічнай традыцыі), а таксама азы граматыкі і тэксты для чытання, якія ўключаюць рэлігійныя гімны, малітвы, запаведзі, пропаведзі.